________________
226
नायाधम्मकहाओ [II.1.153(152) (i) जइ णं भंते । समणेणं० धम्मकहाणं पढमस कागस पढमज्झयणस्स अयमढे पन्नत्ते बिइयस्स णं भंते ! अज्झयणस्स समणेणं जाव संपत्तेणं के अढे पन्नत्ते? एवं खलु जंबू ! वेणं कालेणं २ रायगिहे नयरे गुणसिलए चेइए सामी समोसढे परिसा निग्गया जाव पजुवासइ । वेणं कालेणं २ राई देवी चमरचंचाए रायहाणीए एवं जहा काली तहेव आगया . नट्टविहिं उवदंसित्ता पडिगया । भत्तेत्ति भगवं गोयमे पुथ्वभवपुच्छा । एवं खलु गोयमा! तेणं कालेणं २ आमलकप्पा नयरी अंबसालवणे चइए जियसत्तू राया राई गाहावई राइसिरी भारिया राई दारिया पासस्स समोसरणं राई दारिया जहेव काली तहेव. निक्खंता तहेव सरीरबाउसिया तं चैव सम्वं जाव अंतं काहिइ। एवं खलु जंबू! बिईयज्झयणस्स निक्खेवओ ॥ जइ णं भंते तइयज्झयणस्स उक्खेवओ । एवं खलु जंबू ! रायगिहे नयरे गुणसिलए चेइए एवं जहेव राई तहेव रयणी वि नवरं आमलकप्पा नयरी रयणे गाहावई रयणसिरी भारिया रयणी दारिया सेसं तहेव जाव अंतं काहिइ । एवं विजू वि आमलकप्पा नयरी विजू गाहावई विज्जुसिरी भारिया विजू दारिया सेसं तहेव । एवं मेहा वि आमलकप्पाए नयरीए मेहे गाहावई मेहसिरी भारिया मेहा दारिया सेवं तहेव । एवं खलु जंबू समणेणं जाव संपत्तेणं धम्मकहाणं पढमस्स वग्गस्स अयमढे पन्नत्ते ।
___(153) (ii) जइ णं भंते ! समणेणं० दोचस्स वग्गस्स उक्खेवओ। एवं खलु जंबू ! समणेणं० दोच्चस्स वग्गस्स पंच अज्झयणा पन्नत्ता तंजहा-सुंभा निसुंभा रंभा निरंभा मयणा। जइ णं भंते! समणेणं० धम्मकहाणं दोच्चस्स वग्गस्स पंच अज्झयणा पन्नत्ता दोच्चस्स णं भंते ! वग्गस्स पढमज्झषणस्स के अढे पन्नत्ते? एवं खलु जंबू ! तेणं कालेणं २ रायगिहे नयरे गुणसिलए चेइए सामी समोसढे परिसा निग्गया जाव पन्जुवासइ । तेणं कालेणं २ सुंभा देवी बलिचंचाए रायहाणीए सुंभबडेंसए भवणे सुंभंसि सीहासणंसि कालीगमएणं जाव नट्टविहिं उवदंसेत्ता जाव पडिगया । पुथ्वभवपुच्छा । सावत्थी नयरी कोट्टए चेइए जियसत्तू
