________________
-113.151]
मायाधम्मक हाओ
भंते ! अज्झयणस्स समणेणं ० के अट्ठे पन्नत्ते १ एवं खलु जंबू ! तेणं काले २ रायगिहे नयरे गुणसिलए चेइए सेणिए राया चेल्लणा देवी सामी समोसढे परिसा निग्गया जाव परिसा पज्जुवासइ । तेणं कालेणं २ काली देवी चमरचंचाए रायहाणीए कालवडेंसर्गभवणे कालंसि सीहासणंसि चउहिं समाणियसाहस्सीहिं चउहिं मयहरियाहिं सपरिवाराहिं तिहिं परिसाहिं सत्तहिं अणिएहिं सत्तहिं अणियाहिवईहिं सोलसहि आयरक्खदेवसाहस्सीहिं अन्नेहि य बहूहिं कालवर्डिसयभवणवासीहिं असुरकुमारेहिं देवेहि देवीहिं य सार्द्ध संपरिवुडा महयाहय जाव विहरइ इमं च णं केवलकप्पं जंबुद्दीवं २ विउलेणं ओहिणा आभोएमाणी २ पासइ ऐत्थ समणं भगवं महावीरं जंबुद्दीवे दीवे भारहे वासे रायगिहे नयरे गुणसिलए चेइए अहा पडिरूवं उग्गहं ओगिण्हित्ता संजमेणं तवसा अप्पाणं भावेमाणं पासइ २ हट्ठतुट्ठचित्तमाणंदिया पीइमणा जाव हियया सीहासणाओ अब्भुट्ठेइ २ पायपीढाओ पच्चरुहइ २ पाउया ओमुयइ २ तित्थगराभिमुही सत्तट्ठ पयाई अणुगच्छइ २ वामं जाणं अंचेइ २ दाहि जाणुं धरणियलंसि निहट्टु तिक्खुत्तो मुद्धाणं धरणियलंसि निवेस ई ईसि पच्चुन्नमइ २ कडगतुडियथंभियाओ भुयाओ साहरइ २ करयल जाव कट्टु एवं वयासी - नमोत्थु णं अरहंताणं जाव संपत्ताणं । नमोत्थु णं समणस्स भगवओ महावीरस्स जाव संपाविउकामस्स । वंदामि णं भगवंतं तत्थगयं इहगया पासउ मे समणे ३ तत्थगए इहगयं तिकट्टु वंदइ नमसइ २ सीहासणवरंसि पुरत्थाभिमुद्दा निसण्णा । तए णं तीसे कालीए देवीए इमेयारूवे जाव समुप्पज्जित्था तंजहा - सेयं खलु मे समणं ३ वंदित्ता जाव पज्जुवासित्तए त्तिकट्टु एवं संपेहेइ २ आभिओगिया देवा सहावेइ २ एवं वयासी - एवं खलु देवाणुप्पिया ! समणे ३ एवं जहा सूरियाभोव आणत्तियं देइ जाव दिव्वं सुरवराभिगमणजोग्गं करेह २ जाव पञ्चपिह | देवि तहेव करेत्ता जाव पञ्चप्पियंति नवरं जोयणसहस्सवित्थिण्णं जाणं सेसं तद्देव । तद्देब नामगोयं साहेइ तहेव नट्टविहिं उवदंसेइ जाव पडिगया । भंते त्ति भगवं गोयमे समणं ३ वंदइ नमंसइ २ एवं वयासी - कालीए
221
