________________
-XVI.117]
नायाधम्मकहाओ
171
सूमालियाए दारियाए एयमहं सोचा जेणेव सागरदत्ते २ तेणेव उबागच्छइ २ सागरदत्तस्स एयमट्ठ निवेदेह । तए णं से सागरदचे दास - चेडीए अंतिए एयमहं सोचा निसम्म आसुरुचे ४ जाव मिसिमिसेमाणे जेणेव जिणदत्तस्स २ गिहे तेणेव उवागच्छइ २ जिणदत्तं २ एवं बयासी - किन्नं देवाणुप्पिया ! एवं जुतं वा पत्तं वा कुलाणुरूवं वा कुलसरिसं वा जण्णं सागरए दारए सूमालियं दारियं अंदिट्ठदोसवडियं पइवयं विप्पजहाय इहमागए ? बहूहिं खिज्जणियाहि य रुंटणियाहि य उवालंभइ । तए णं जिणदत्ते सागरदुत्तस्स २ एयमहं सोच्चा जेणेव सागरए तेणेव उवागच्छइ २ सागरं दारयं एवं वयासी - दुट्टु णं पुता ! तुमे कयं सागरदचस्स गिहाओ इहं हव्वमागच्छंतेणं । तं गच्छहणं तुमं पुचा ! एवमवि गए सागरदत्तस्स गिहे । तए णं से सागरए जिणदत्तं एवं वयासी - अवियाइं अहं वाओ ! गिरिपडणं वा तरुपडणं वा मरुपैवायं वा जलप्पवायं वा जलणप्पवेसं वा विसभक्खणं वा सत्थोवाडणं वा विहाणसं वा गिद्धपटुं वा पव्वज्जं वा विदेसगमणं वा अब्भुवगच्छेया नो खलु अहं सागरदचस्स गिहं गच्छेज्जा । तणं से सागरदत्ते २ कुंडुंवरियाए सागरस्स एयमहं निसामेइ २ लम्बिए विठी विडे जिणदत्तस्स २ गिहाओ पडिनिक्खमइ २ जेणेव सए गिहे तेणेव उवागच्छइ २ सुकुमालियं दारियं सहावेइ २ अंके निवेसेइ २ एवं वयासी - किन्नं तव पुत्ता ! सागरएणं दारएणं ? अहं णं तुमं तस्स दाहामि जस्स णं तुमं इट्ठा मणांमा भविस्ससि सूमालियं दारियं वाहिं इट्टाहिं जाव वग्गूहिं समासासेइ २ पडिविसज्जेइ । तए णं से सागरदत्ते २ अन्नया उप्पि आगासतलगंसि सुहनिसंण्णे रायमग्गं ओलोएमाणे २ चिट्ठइ । तए णं से सागरदत्ते एगं महं दमगपुरिसं पासइ दंडिखंडनिवसणं खंडमल्ल गखंडघडगहत्थगयं मच्छियासहस्सेहिं जाव अन्निजमाणमग्गं । तए णं से सागरदत्ते सत्थवाहे कोडुंबिय पुरिसे सहावेइ २ एवं वयासी - तुब्भे णं देवाणुप्पिया ! एयं दमगपुरिसं विपुलेणं असणेणं ४ पडिलाभेह गिहं अणुप्पविसेह २ खंडमल्लगं खंड
