________________
156
नायाधम्मकहाओ (XIV.107वासा वि यणं. नो आढाइ ३। तए णं से तेयलिपुत्ते जेणेव वासघरे जेणेव सयणिज्जे तेणेव उवागच्छइ २ सयणिज्जंसि निसीयइ २ एवं वयासीएवं खलु अहं सयाओ गिहाओ निग्गच्छामि तं. चेव जाव अभितरिया परिसा नो आढाइ नो परियाणाइ नो अब्भुढेइ । तं सेयं खलु मम अप्पाणं जीवियाओ ववरोवित्तए त्तिक एवं संपेहेइ २ तालउडं विसं आसगंसिः पक्खिवइ । से नो संकमइ । तए णं से तेयलिपुत्ते अमचे नीलुप्पल जाव असिं खंधसि ओहरइ । वत्थ वि य से धारा ओपल्ला । तए णं से तेयलिपुत्ते जेणेव असोगवणिया तेणेव उवागच्छइ २ पासगं गीवाए बंधइ २ रुक्खं दुरूहइ २ पासगं रुक्खे बंधइ २ अप्पाणं मुयइ । तत्थ वि य से रज्जू छिन्ना । वए णं से तेयलिपुत्ते महइमहालियं सिल गीवाएं बंधइ २ अत्थाहमतारमपोरिसीयंसि उदगंसि अप्पाणं मुयइ । तत्य वि से थाहे जाए । तए णं से तेयलिपुत्ते सुकंसि तणकूडंसि अगणिकायं पक्खिवइ २ अप्पाणं मुयइ । तत्थ वि य से अगणिकाए विज्झाए। तए णं से तेयलिपुत्ते एवं वयासी - सद्धेयं खलु भो समणा वयंति । सद्धेयं खलु भो माहणा वयंति । सद्धेयं खलु भो समणा माहणा वयंति । अहं एगो असद्धेयं वयामि । एवं खलु अहं सह पुत्तेहिं अपुत्ते । को मेदं सहहिस्सइ ? सह मित्तेहिं अमित्ते । को मेदं सहहिस्सइ ? एवं अत्थेणं दारेणं दासेहिं पेसेहिं परिजणेणं । एवं खलु तेयलिपुत्तेणं अमघेणं कणगझएणं रना अवज्झाएणं समाणेणं तालपुडगे विसे आसगंसि पक्खित्ते । से वि य नो कमइ । को मेयं सदहिस्सइ ? तेयलिपुत्ते नीलुपल जाव खंधंसि ओहरिए । तत्थ वि य से धारा ओपल्ला । को मेदं सहहिस्सइ ? तेयलिपुत्ते पासगं गीवाए बंधित्ता जाव रज्जू छिन्ना । को मेयं सहहिस्सइ ? तेयलिपुत्ते महालियं जाव बंधित्ता अत्थाह जाव उदगंसि अप्पणिं मुक्के । तत्थ वि य णं थाहे जाए। को मेयं सहहिस्सइ ? तेयलिपुत्ते सुकंसि तणकूडे अग्गी विज्झाए । को मेयं सहहिस्सइ ?- ओहयमणसंकप्पे जाव झियायइ । तए णं से पोट्टिले देवे पोट्टिलारूवं विउव्वइ २ तेयलिपुत्तस्स अदूरसामंते ठिच्चा एवं वयासी-हं भो तेयलिपुत्ता !
