________________
-VIII.74]
नायाधम्मकहाओ बहूई उप्पाइयसयाई पाउन्भूयाइं तंजहा - अकाले गज्जिए अकाले विज्जुए अकाले थणियसहे अभिक्खणं २ आगासे देवयाओ नच्चंति एगं च णं महं पिसायरूवं पासंति तालजंघं दिवंगयाहिं बाहाहिं मसिमूसगमहिसकालेगं भरियमेहवण्णं लंबोढें निग्गयग्गदंतं निल्लालियजमलजुयलजीहं आऊसियवयणगंडदेसं चीणचिमिढनासियं विगयभुग्गभग्ग मयं खज्जोयगदित्तचक्खुरागं उत्तासणगं विसालवच्छं विसालकुच्छि पलंबकुच्छि पहसियपयलियपयडियगत्तं पणश्चमाणं अप्फोडतं अभियंतं अभिगज्जतं बहुसो २ अट्टहासे विणिम्मुयंतं नीलुप्पलगवलगुलियअयसिकुसुमप्पगासं खुरधारं असिं गहाय अभिमुहावयमाणं पासंति। तए णं ते अरहन्नगवज्जा संजत्तानावावाणियगा एगं च ण महं तालपिसायं पासिचा तालजंघं दिवंगयाहिं बाहाहिं फुट्टसिरं भमरनिगरवरमासरासिमाहिसकालगं भारयमेहवण्णं सुप्पणहं फालसरिसजीहं लंबोढें धवलबट्टसिलिट्ठतिक्खथिरपीणकुडिलदाढोवगूढवयणं विकोसियधारासिजुयलसमसरिसतणुयचंचलगलंतरसलोलचवलफुरुफुरतनिल्लालियग्गजीहं अवयच्छियमहल्लविगयबीभच्छलीलपगलंतरत्ततालुयं हिंगुलयसगब्भकंदरबिलं व अंजणगिरिस्स अग्गिजालुग्गिलंतवयणं आसियअक्खचम्मैउइट्ठगंडदेसं चीणचिमिढेवंकभग्गनासं रोसागयधमधमेतमारुयनिठुरखरफरुसझुसिरं ओभुग्गनासियपुडं घडेउब्भडरइयभीसणमुहं उद्धमुहकण्णसक्कुलियमहतविगयलोमसंखालगलंबंतचलियकणं पिंगलदिप्पंतलोयणं भिउडितडिनिडीलं नरसिरमालपरिणचिंधं विचित्तगोणससुबद्धपरिकरं अवहोलंतपुप्फयायंतसप्पविच्छुयगोधुंदरनउलसरडविरइयविचित्तवेयच्छमालियागं भोगतरकण्हसप्पधमधमेतलंबतकण्णपूर मजारसियाललइयखधं दित्त धूयंतघूयकयकुंतलसिरं घंटारवेण भीमं भयंकर कायरजणहिययफोडणं दित्तमट्टहासं विणिम्मुयंतं वसारुहिरपूयमंसमलमलिणपोच्चडतणुं उत्तासणयं विसालवच्छं पेच्छंताभिन्ननहमुहनयणकण्णवरवग्यचित्तकत्तीणियसैणं सरसरुहिरगयचम्मवियर्थ ऊसवियबाहुजुयलं ताहि य खरफरुसअसिणिद्वैअणिढदित्तअसुभअप्पिय
