________________
-VIII,69J
नायाधम्मकहाओ प्पिया ! तुब्भे पव्वयह अम्हं के अन्ने आहारे जाव पव्वयामो । तए पं से महब्बले राया ते छप्पिय० एवं वयासी - जइ णं तुब्भे मए सद्धिं बाव पव्वयह तो णं गच्छह जेढे पुत्ते सएहिं २ रज्जेहिं ठावेह पुरिससहस्सवाहिणीओ सीयाओ दुरूढा जाव पाउन्भवंति । तए णं से महब्बले राया छप्पियबालवयंसए पाउन्भूए पासइ २ हट्ट जाव कोडुंबियपुरिसे सहावेइ २ बलभद्दस्स रायाभिसेओ जाव आपुच्छइ। तए णं से महब्बले जाव महया इड्डीए पैव्वइए एक्कारसअंगवी बहूहिं चउत्थ जाव भावेमाणे विहरइ । तए णं तेसिं महब्बलपामोक्खाणं सत्तण्हं अणगाराणं अन्नया कयाइ एगयओ सहियाणं इमेयारुवे मिहोकहासमुल्लावे समुप्पज्जित्थाजंणं अम्हं देवाणुप्पिया एगे तवोकम्म उवसंपज्जित्ताणं विहरइ तं गं अम्हेहिं सव्वेहिं तवोकम्मं उवसंपज्जित्ताणं विहरित्तए तिकटु अन्नमन्नस्स एयमढे पडिसुणेति २ बहूहिं चउत्थ जाव विहरंति । तए णं से महब्बले अणगारे इमेणं कारणेणं इत्थिनामगोयं कम्मं निव्वत्तिंसु - जइ णं ते महब्बलवज्जा छ अणगारा चउत्थं उवसंपज्जित्ताणं विहरंति तओ से महब्बले अणगारे छठे उपसंपज्जित्ताणं विहरइ । जइ णं ते महब्बलवज्जा छ अणगारा छठें उवसंपज्जित्ताणं विहरति तओ से महब्बले अणगारे अट्ठमं उवसंपज्जित्ताणं विहरइ । एवं अह अट्ठमं तो दसमं अह दसमं तो दुवालसमं । इमेहि य णं वीसाएहि य कारणेहिं आसेवियबहुलीकएहिं तित्थयरनामगोयं कम्मं निव्वत्तेसु तंजहा - अरहंतसिद्धपवयणगुरुथेरबहुस्सुए तवस्सीसुं । वच्छल्लया य तेसिं अभिक्ख नाणोवओगा य ॥१॥ दंसणविणए आवस्सए य सीलव्वए निरइयारो। खणलवतवर्चियाए वेयावच्चे समाही य ॥२॥ अपुव्वनाणगहणे सुयभत्ती पवयणे पहावणया । एएहिं कारणेहिं तित्थयरत्तं उहइ सो उ ॥३॥ तए णं ते महब्बलपामोक्खा सत्त अणगारा मासियं भिक्खुपडिमं उवसंपज्जित्ताणं विहरंति जाव एगराईयं । तए णं ते महजलपामोक्खा सत्त अणगारा खुडागं सीहनिक्कीलियं तवोकम्मं उवसंपज्जित्ताणं विहरंति तंजहा- चउत्थं करेंति २ सव्वकामगुणियं पारेंति २
