________________
२७१
गच्छाचारपइण्णयं
अगाराओ अणगारियं पव्वइत्तए, अहासुहं देवाणुप्पिए ! मा पडिबंधं करेह । तए णं से काले गाहावइ विउलं असणं ४ उवक्खडावेइ २ त्ता मित्तणाइनियगसयणसंबंधिपरियणं आमंतेइ २ तओ पच्छा पहाए जाव विउलेणं पुप्फवत्थगंधमल्लालंकारेणं सक्कारेत्ता, सम्माणेत्ता तस्सेव मित्तणातिणियगसयणसंबंधि परियणस्स पुरओ कालियं दारियं सेयापी हिं कलसेहिं ण्हावेइ २ सव्वालंकारविभूसियं करेइ २ त्ता पुरिससहस्सवाहणीयं सीयं दुरूहति, मित्तणाइनियगसयणसंबंधिपरियणेण सद्धिं संपरिवुडा सव्विड्ढीए जाव रवेणं आमलकप्पं णयरिं मज्झमज्झेणं निग्गच्छइ २ त्ता जेणेव अंबसालवणे चेइए तेणेव उवा० २ त्ता छत्ताइए तित्थगराइसए पासइ २ त्ता सीयं ठवेइ २ त्ता कालियं दारियं सीयाओ पच्चोरुहति । तणं तं कालियं दारियं अम्मापियरो पुरओ काउं जेणेव पासे अरहा पुरिसादाणी, तेणेव उवा० २ वंदइ नमंसइ २ एवं वयासी एवं खलु देवाणुप्पिया ! काली दारिया अम्हं धूया इट्ठा जाव किमंग पुण पासणयाए! एस णं देवाणुप्पिया ! संसारभउव्विग्गा, इच्छइ देवाणुप्पियाणं अंतिए मुंडा भवित्ता जाव पव्वइत्तए, तं एयं देवाणुप्पियाणं सिस्सिणिभिक्खं दलयामो, पडिच्छंतु णं देवाणुप्पिया ! सिस्सिणिभिक्खं, अहासुहं देवा० मा पडिबंधं । तए णं सा काली कुमारी पासं अरहं वंदइ नमंसइ २ त्ता, उत्तरपुरच्छिमं दिसीभागं अवक्कमइ २ त्ता, सयमेव आभरणमल्लालंकारं ओमुयइ २त्ता सयमेव लोयं करेइ २ जेणेव पासे अरहा पुरिसादाणीए तेणेव उवा० २ पास अरहं तिक्खुत्तो वंदइ णमंसइ २ एवं वयासीआलित्ते णं भंते लोए एवं जहा देवाणंदा जाव सयमेव पव्वाविउं । तए णं पासे अरहा पुरिसादाणीए कालिं सयमेव पुप्फचूलाए अज्जाए सिस्सिणीयत्ताए दलयइ, तए णं सा पुप्फचूला अज्जा कालिं कुमारिं सयमेव पव्वावेइ जाव उवसंपज्जित्ताणं विहरइ । तए णं सा काली अज्जा जाया, इरिया समिया जाव गुत्तबंभयारिणी । तए णं सा काली
