________________
५८
श्री महानिशीथ सूत्रम्-अध्य०३ संगोवंगसुयस्सेयं, णीसंदं तत्तं परं । महानिहिव्व अविहिए, गिण्हतेणं छलिज्जए ।।१०।। अहवा सव्वाइं सेयाणं, बहुविग्घाइं भवंति उ । सेयाणं परं सेयं, सुयक्खंधं निविग्धं जे धन्ने पुन्ने महाणुभागे से वाइया ॥११॥ से भयवं ! केरिसं तेसिं कुसीलादीण लक्खणं ? सम्मं विन्नाय जेणं तु, सव्वहा ते विवजए ।।१२।। गोयमा ! सामन्नओ तेसिं, लक्खणमेयं निबोधय । जं नच्चा तेसिं संसग्गी, सव्वहा परिवजए ।।१३।। कुसीले ताव 'दुस्सयहा, ओसन्ने दुविहे मुणे । पसत्थ-नाणमादीणं, सबले बावीसतीविहे ॥१४॥ तत्थ जे ते उ दुसयहाउ, वोच्छं ते ताव गोयमा ! कुसीले जेसिं संसग्गीदोसेणं भस्सई मुणी खणे ।।१५।। तत्थ कुसीले ताव समासओ दुविहे णेए - परंपरकुसीले यऽपरंपरकुसीले य, तत्थ णं जे ते परंपरकुसीले ते दुविहे णेए - सत्तट्टगुरुपरंपरकुसीले एगदुतिगुरुपरंपरकुसीले य ।।
जेवि य ते अपरंपरकुसीले ते वि उ दुविहे णेए आगमओ णोआगमओ य ।।
१. द्विशतधेति । २. 'खणा' पाठान्तरमिति ।
