________________
१८०
श्री महानिशीथ सूत्रम्-अध्य०६
'अगीयत्थत्तदोसेणं, भावसुद्धिं ण पावए । विणा भावविसुद्धीए, सकलुसमणसो मुणी भवे ॥२०६।। अणुथेवकलुसहिययत्तं, अगीयस्थत्तदोसओ । काऊण लक्खणजाए, पत्ता दुक्खपरंपरा ॥२०७।। तम्हा तं णाउ बुद्धेहिं, सव्वभावेण सव्वहा । गीयत्थेहिं भवित्ताणं, कायव्वं निक्कलुसं मणं ॥२०८।। भयवं ! नाहं वियाणामि, लक्खणदेवी हु अज्जिया । जा अणुकलुसमगीयत्थत्ता, काउं पत्ता दुक्खपरंपरं ।।२०९।। गोयमा ! पंचसु भरहेसु, एरवएसु उस्सप्पिणी । ओसप्पिणीए एगेगा. सव्वयालं चउवीसिया ॥२१०।। सययमवोच्छित्तीए भूया, तह य भविस्सई । अणाइनिहणा एसा, धुवं एत्थ जगठिइ ।।२१०-अ ।। एवं गोयम ! एयाए, चउवीसिगाए जा गया । अतीयकाले असीइमा, तहियं जारिसगे अहयं ।।२१०-ब ।। सत्तरयणी पमाणेणं, देवदाणव-पणमिओ । चरिमो तित्थयरो, जइया तया जंबुदाडिमो राया ॥२११।। भारिया तस्स, सिरिया नाम बहुस्सुया । अन्नया सह दइएणं, धूयत्थं बहु उवाइए करे ।।२१२।। देवाणं कुलदेवीए, चंदाइच्चगहाण य । कालक्कमेण अह जाया, धूया कुवलयलोयणा ।।२१३।। तीए तेहिं कयं नामं, लक्खण देवी अहऽन्नया । जाव सा जोव्वणं पत्ता, ताव मुक्का सयंवरा ॥२१४||
