________________
श्री महानिशीथ सूत्रम् ___ एसा विजा सिद्धतिएहिं अक्खरेहिं लिहिया, एसा य सिद्धतिया लिवी अमुणियसमयसब्भावाणं सुयधरेहिं ण पण्णवेयव्वा तहय. कुसीलाणं च ।।५।।
इमाए पवरविज्जाए, सव्वहा उ अत्ताणगं । अहिमंतेउण सोविजा, खंतो दंतो जिइंदिओ ।।४८।। णवरं सुहासुहं सम्मं, सुविणगं समवधारए । जं तत्थ सुविणगे पासे, तारिसगं तं तहा भवे ।।४९।। जइ णं सुंदरगं पासे, सुमिणगं तो इमं महा । परमत्थतत्थसारत्थं, सल्लुद्धरणं मुणेत्तुणं ।।५०।। देज्जा आलोयणं सुद्धं, अट्ठमयट्ठाणविरहिओ । रंजेंतो धम्मतित्थयरे, सिद्धे लोगग्गसंठिए ।।५१।। आलोएत्ताण णीसल्लं, सामण्णेण पुणो वि य । वंदित्ता चेइए साहू, विहिपुव्वेण खमावए ||५२।। खामित्ता पावसल्लस्स, निम्मूलुद्धरणं पुणो । करेजा विहिपुव्वेण, रंजेंतो ससुरासुरं जगं ।।५३।। । एवं होउण निस्सल्लो, सव्वभावेण पुणरवि । विहिपुव्वं चेइए वंदे, खामे साहम्मिए तहा ।।५४।। नवरं जेण समं 'वुच्छो, जेहिं सद्धिं पविहरिओ । खरफरुसं चोइओ जेहिं, सयं वा जो य चोइओ ।।५५॥ जोऽवि य कजमकज्जे वा, भणिओ खरफरुसनिट्ठरं । पडिभणियं जेण वी किंचि, सो जइ जीवइ जइ मओ ।।५६।। खमियव्वो सव्वभावेण, जीवंतो जत्थ चिट्ठई ।
तत्थ गंतूण विणएण, मओऽवी साहुसक्खियं ।।५७।। १. उषित इति ।
