________________
१६०
श्री महानिशीथ सूत्रम्-अध्य०६
अखीणत्थं निहीकाउं, लुंचिओ 'खोसिओवि सो । तहाऽऽराहिओ गणिगाए, बद्धो जह पेमपासेहिं ।।२८।। आलावाओ पणओ पणयाउ रती रतीइ वीसंभो । वीसंभाओ णेहो पंचविहं वड्ढए पेम्मं ।।२९।। एवं सो पेम्मपासेहिं, बद्धोऽवि सावगत्तणं । जहोवइटें करेमाणो, दस अहिए वा दिणे दिणे ।।३०।। पडिबोहिऊण संविग्गगुरुपामूलं पवेसई । संपयं बोहिओ सो वि, दुम्मुहेण जहा तुमं ।।३१। धम्मं लोगस्स साहेसि, अत्तकजंमि मुज्झसि । णुणं विक्केणुयं धम्मं, जं सयं णाणुचिट्ठसि ।।३२।। एयं सो वयणं सोचा, दुम्मुहस्स सुभासियं । थरथरथरस्स कंपंतो, निंदिउं गरहिउँ चिरं ॥३३॥ हा हा हा हा अकज्जं मे, भट्ठसीलेण किं कयं ? जेणं तु सुत्तो घसरे, गुडिओऽसुइ किमी जहा ।।३४।। धी धी धी धी अहन्नेणं पेच्छ जं मेऽणुचिट्ठियं । जच्चकंचणसमऽत्ताणं, असुइसरिसं मए कयं ।।३५।। खणभंगुरस्स देहस्स, जा विवत्ती ण मे भवे । ता तित्थयरस्स पामूलं, पायच्छितं चरामिऽहं ।।३६।। एसमागच्छती एत्थं, चिटुंताणेव गोयमा ! घोरं चरिऊण पायच्छित्तं, संविग्गोऽम्हेहिं भासिउं ।।३७।।
१. जीर्ण-प्राय इति । २. विक्रेय इति । ३. सुप्तो दिवा मललिप्तः कृमिर्यथेति ।
