________________
श्री महानिशीथ सूत्रम्
११५ गोयमा ! एवं वुच्चइ जहा अत्थेगे जे णं वासेजा अत्थेगे जे णं नो वासेजा ।२।
से भयवं ! किं मिच्छत्तेणं उच्छाइए केइ गच्छे भवेज्जा ? गोयमा ! जे णं से आणाविराहगे गच्छे भवेज्जा से णं निच्छयओ चेव मिच्छत्तेणं उच्छाइए गच्छे भवेजा, से भयवं ! कयरा उण सा आणा जीए ठिए गच्छे आराहगे भवेज्जा ? गोयमा ! संखाइएहिं थाणंतरेहिं गच्छस्स णं आणा पन्नत्ता जीए ठिए गच्छे आराहगे भवेजा ।३।
से भयवं ! किं तेसिं संखातीताणं गच्छमेराथाणंतराणं अत्थि केइ अन्नयरे थाणंतरे जे णं उस्सग्गेण वा अववाएण वा कहवि पमायदोसेणं असई अइक्कमेजा, अइक्कतेण वा आराहगे भवेजा ? गोयमा ! णिच्छयाओ नत्थि । ___ से भयवं ! केणं अट्टेणं एवं वुच्चइ जहा णं निच्छयओ नत्थि ? गोयमा ! तित्थयरे णं ताव तित्थयरे तित्थे पुण चाउवन्ने समणसंघे, से णं गच्छेसु पइट्ठिए, गच्छेसुवि णं सम्मइंसणनाणचरित्ते पइट्ठिए, ते य सम्मदंसणनाणचरित्ते परमपुजाणं पुजयरे परमसरण्णाणं सरण्णे परमसेव्वाणं सेव्वयरे, ताई च जत्थ णं गच्छे अन्नयरे ठाणे कत्थइ विराहिज्जंति से णं गच्छे सम्मग्गपणासए उम्मग्गदेसए, जे णं गच्छे सम्मग्गपणासए उम्मग्गदेसए से णं निच्छयओ चेव अणाराहगे, एएणं अटेणं गोयमा ! एवं वुच्चइ जहा णं संखादीयाणं गच्छमेराठाणंतराणं जे णं गच्छे एगमन्नयरट्ठाणं अइक्कमेजा से णं एगंतेणं चेव अणाराहगे ।४।।
से भयवं ! केवइयं कालं जाव गच्छस्स णं मेरा पन्नविया ? केवइयं कालं जाव णं गच्छस्स मेरा णाइक्कमेयव्वा ? गोयमा ! जाव - णं महायसे महासत्ते महाणुभागे दुप्पसहे णं अणगारे ताव णं गच्छमेरा पन्नविया जाव णं महायसे महासत्ते महाणुभागे दुप्पसहे अणगारे ताव णं गच्छमेरा नाइक्कमेयत्वा ।५। --
