________________
१५१. जे इह आरंभनिस्सिया, आयदंड एगंतलूसगा।
गंता ते पावलोगयं, चिररायं आसुरियं दिसं ॥९॥
१५२. ण य संखयमाहु, जीवियं, तह वि य बालजणे पगब्भती ।
पच्चुप्पनेण कारितं, के दट्ट् परलोगमागते ॥१०॥
१५३. अद्दक्खुव दक्खुवाहितं, सद्दहसु अद्दक्खुदंसणा ।
हंदि हु सुनिरुद्धदंसणे, मोहणिज्जेण कडेण कम्मुणा ॥११॥ १५४. दुक्खी मोहे पुणो पुणो, निव्विंदेज्ज सिलोग-पूयणं ।
एवं सहितेऽहिपासए, आयतुलं पाणेहिं संजते ॥१२॥ १५५. गारं पि य आवसे नरे, अणुपुव्वं पाणेहिं संजए ।
समया सव्वत्थ सुव्वए, देवाणं गच्छे स लोगतं ॥१३॥ १५६. सोच्चा भगवाणुसासणं, सच्चे तत्थ करे वक्कम ।
सव्वत्थऽवणीयमच्छरे, उंछं भिक्खु विसुद्धमाहरे ॥१४॥ १५७. सव्वं णच्चा अहिट्ठए, धम्मट्ठी उवहाणवीरिए ।
गुत्ते जुत्ते सदा जए, आय-परे परमाययट्ठिए ॥१५॥ १५८. वित्तं पसवो य णातयो, तं बाले सरणं ति मण्णती ।
एते मम तेसु वी अहं, नो ताणं सरणं च विज्जइ ॥१६॥ १५९. अब्भागमितम्मि वा दुहे, अहवोवक्कमिए भवंतए ।
एगस्स गती य आगती, विदुमं ता सरणं न मन्नती ॥१७॥ १६०. सव्वे सयकम्मकप्पिया, अव्वत्तेण दुहेण पाणिणो ।
हिंडंति भयाउला सढा, जाति-जरा-मरणेहऽभिद्रुता ॥१८॥
40
