Page Text
________________
-V.601 नायाधम्मकहाओ.
73 धोवेज्जा से नृणं सुदंसणा ! तस्स रुहिरकयस्स वत्थस्स सज्जियाखारेणं अणुलित्तस्स पयणं आरोहियस्स उण्हं गाहियस्स सुद्धणं वारिणा पक्खालिज्जमाणस्स सोही भवइ ? हंता भवइ । एवामेव सुदंसणा! अम्हं पि पाणाइवायवेरमणेणं जाव मिच्छादसणसल्लवेरमणेणं अत्थि सोही जहा वा तस्स रुहिरकयस्स वत्थस्स जाव सुद्धेण वारिणा पक्खालिज्जमाणस्स अस्थि सोही। वत्थ णं सुदंसणे संबुद्धे थावंचापुत्तं बंदइ नमसइ २ एवं वयासी - इच्छामि णं भंते ! धम्मं सोच्चा जाणित्तए जाव समणोवासए जाए अभिगयजीवाजीवे जाव पडिलाभेमाणे विहरइ । तए णं तस्स सुयस्स परिव्वायगस्स इमीसे कहाए लद्धहस्स समाणस्स अयमेयारूवे जाव समुप्पजित्था - एवं खलु सुदंसणेणं सोयधम्मं विप्पजहाय विणयमूले धम्मे पडिवन्ने । तं सेयं खलु मम सुदंसणस्स दिडिं वामेत्तए पुणरवि सोयमूलए धम्मे आघवित्तए त्तिकटु एवं संपेहेइ २ परिव्वायगसहस्सेणं सद्धिं जेणेव सोगंधिया नयरी जेणेव परिव्वायगावसहे तेणेव उवागच्छइ २ परिव्वायगावसहसि भंडनिक्खेवं करेइ २ धाउरसवत्थपवरपरिहिए पविरलपरिव्वायगणं सद्धिं संपरिवुडे परिव्वायगावसहाओ पडिनिक्खमइ २ सोगंधियाए नयरीए मझमझेणं जेणेव सुदंसणस्स गिहे जेणेव सुदंसणे तेणेव उवागच्छइ । तए णं से सुदंसणे तं सुयं एज्जमाणं पासइ २ नो अब्भुढेइ नो पच्चुग्गच्छइ नो आढाइ नो वंदइ तुसणीए संचिट्ठइ । तए णं से सुए परिव्वायए सुदंसणं अणुभुट्टियं पासित्ता एवं वयासी - तुब्भे णं सुदंसणा ! अन्नया ममं एज्जमाणं पासित्ता अब्भुढेसि जाव वंदसि । इयाणं सुदंसणा ! तुमं मम एज्जमाणं पासित्ता जाव नो वंदसि । तं कस्स णं तुमे सुदंसणा ! इमेयारूवे विणयमूले धम्मे पडिवन्ने ? तए णं से सुदंसणे सुएणं परिव्वायगेणं एवं वुत्ते समाणे आसणाओ अब्भुट्टेइ २ करयल जाव सुयं परिवायगं एवं वयासी – एवं खलु देवाणुप्पिया ! अरहओ अरिष्टनेमिस्स अंसेवासी थावञ्चापुत्ते नामं अणगारे जाव इहमागए इह चेव नीलासोए उज्जाणे विहरइ । तस्स णं अंतिए विणयमूले धम्मे पडिवन्ने ।
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |