________________
॥ नायाधम्मकहाओ॥
ॐ नमः सर्वज्ञाय । (1) तेणं कालेणं तेणं समएणं चंपा नामं नयरी होत्था । वण्णओ । (2) तीसे णं चंपाए नयरीए बहिया उत्तरपुरस्थिमे दिसीभाए पुण्णभद्दे नामं चेइए होत्था । वण्णओ। (3) तत्थ णं चंपाए नयरीए कोणिए नाम राया होत्था । वण्णओ ।
(4) तेणं कालेणं तेणं समएणं समणस्स भगवओ महावीरस्स अंतेवासी अजमुहम्मे नाम थेरे जाइसंपन्ने कुलसंपन्ने बलरूवविणयनाणदसणचरित्तलाघवसंपन्ने ओयंसी तेयंसी वच्चंसी जसंसी जियकोहे जियमाणे जियमाए जियलोहें जिइंदिए जियनिद्दे जियपरीसहे जीवियासामरणभयावप्पमुके तवप्पहाणे गुणप्पहाणे एवं चरणकरणनिग्गहनिच्छयअन्जवमद्दवलाघवखंतिगुत्तिमुत्तिविजामंतबंभवयनयनियमसच्चसोयनाणदसणचारित्तप्पहाणे उराले घोरे घोरव्वए घोरतवस्सी घोरबंभचेरवासी उच्छूढसरीरे संखित्तविउलतेउल्लेसे चोहसपुव्वी चउनाणोवगए पंचहिं अणगारसएहिं सद्धिं संपरिबुडे पुव्वाणुपुचि चरमाणे गामाणुगामं दूइज्जमाणे सुहंसुहेणं विहरमाणे जेणेव चंपा नयरी जेणेव पुण्णभद्दे चेइएं तेणामेव उवागच्छइ २ त्ता अहापडिरूवं उग्गहं ओगिमिहत्ता संजमणं तवसा अप्पाणं भावेमाणे विहरइ। — (5) तए णं चंपाए नयरीए परिसा निग्गया। कोणिओ निग्गओ। धम्मो कहिओ । परिसा जामेव दिसि पाउन्भूया तामेव दिसिं पडिगया। तेणं कालेणं तेणं समएणं अजसुहम्मस्स अणगारस्स जेटे अंतेवासी अज्जजंबू नाम अणगारे कासवगोत्तेणं सत्तुस्सेहे जाव अज्जसुहम्मस्स थेरस्स अदूरसामंते उजाणू अहोसिरे झाणकोट्ठोवगए संजमेणं तवसा अप्पाणं भावमाणे विहरइ । तए णं से अज्जजंबूनामे जायसड़े जाय
