Page Text
________________
-II.44]:
नायाधम्मकहाओ फरसुणियत्ते व चंपगपायवे धसत्ति धरणीयलंसि सव्वंगेहिं सन्निवइए। तए णं से धणे सत्थवाहे तओ मुहत्तंतरस्स आसत्थे पञ्चागयपाणे देवदिन्नस्स दारगस्स सव्वओ समंता मग्गणगवेसणं करेइ देवदिन्नस्स दारमस्स कत्थइ सुई वा खुई वा पवत्तिं वा अलभमाणे जेणेव सए गिहे तेणेव उवागच्छइ २ महत्थं पाहुडं गेण्हइ २ जेणेव नगरगुत्तिया तेणेव उवागच्छइ २ तं महत्थं पाहुडं उवणेइ २ एवं वयासी- एवं खलु देवाणुप्पिया ! मम पुत्ते भहाए भारियाए अत्तए देवदिन्ने नामं दारए इढे जाव उंबरपुष्पं पिव दुल्लहे सवणयाए किमंग पुण पासणयाए । तए णं सा भद्दा भारिया देवदिन्नं दारगं व्हायं सव्वालंकारविभूसियं पंथगस्स हत्थे दलाइ जाव पायवडिए तं मम निवेदेइ । तं इच्छामि णं देवाणुप्पिया ! देवदिन्नस्स दारगस्स सव्वओ समंता मग्गणगवेसणं कयं । तए णं ते नगरगोत्तिया धणेणं सत्थवाहेणं एवं वुत्ता समाणा सन्नद्धबद्धकैवया उप्पीलियसरासणपट्टिया जाव गहियाउहपहरणा धणेणं सत्थवाहेणं सद्धिं रायगिहस्स नगरस्स बहूणि अइगमणाणि य जाव पवासु य मग्गणगवेसणं करेमाणा रायगिहाओ नगराओ पडिनिक्खमंति २ जेणेव जिण्णुज्जाणे जेणेव भग्गकूवए तेणेव उवागच्छंति २ देवदिन्नस्स दारगस्स सरीरगं निप्पाणं निश्चेदं जीवविप्पजढं पासंति २ हा हा अहो अकज्जमित्तिकटु देवदिन्नं दारगं भग्गकूवाओ उत्तारेंति २धणस्स सत्थवाहस्स हत्थे दलयंति।
(44) तए णं ते नगरगुत्तिया विजयस्स तक्करस्स पयमग्गमणुगच्छमाणा २ जेणेव मालुयाकच्छए तेणेव उवागच्छंति २ मालुयाकच्छगं अणुप्पविसंति २ विजयं तकरं ससक्खं सहोढं सगेवेज्जं जीवग्गाहं गेहंति २ अट्ठिमुट्ठिजाणुकोप्परपहारसंभग्गमहियगत्तं करेंति २ अवओडगबंधणं करेंति २ देवदिन्नस्स दारगस्स सव्वं आभरणं गेण्हंति २ विजयस्स तकरस्स गीवाए बंधति २ मालुयाकच्छगाओ पडिनिक्खमंति २ जेणेक रायगिहे नयरे तेणेव उवागच्छंति २ रायगिहं नयरं अणुप्पविसंति २ रायगिहे नयरे-सिंघाडगतिगचउक्कचच्चरमहापहपहेसु कसप्पहारे य लयापहारे य छिवापहारे य निवायमाणा २ छारं च
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |