Page Text
________________
336
माओ
[1,33
निरवयविंसतिनहे छहंते सुमेरुप्पभे नामं हत्थिराया होत्था । तत्थ णं तुम बहू ही हत्थिणियाहि य लोट्टएहि य लोट्टियाहि य कलभएहि य कलभियाहि य सद्धि संपरिवुडे हत्थिसहस्सनायए देखए पागडी पवए जूहबई बंदपरियट्टएँ अन्नोस च बहूणं एकल्लाणं हत्थिकलभाणं आहेवच्चं जाव विहरसि । तए णं तुमं मेहा ! निचप्पमत्ते सई पळलिए कंदपरई मोहणसीले अवितण्डकामभोगतिसिए बहूहिं इत्थीहि प जाव संपरिवुडे वेयङ्कगिरिपायमूले गिरीसु य दरीसु य कुइरेसु य कंदरासु य उज्झरेसु य निज्झरेसु य वियरेसु य गद्दासु य पल्लले चिल्ल य कडगेसु य कडयपल्लळेसु य तडीसुं य वियडीर्स् य टंकेसु य कूडे य सिहरेसु य पब्भारेसु य मंचेसु य मालेसु य काणणेसु य वणेसु य वणसंडेसु य वणराईसु य नदीसु य नदीकच्छेसु य जूहेसु य संगमेसु य बावीसु य पोक्खरिणीसु य दीहियासु य गुंजालियासु य सरेसु य सरपंतियासु य सरसरपंतियासु य वैणयरेहिं दिन्नवियारे बहूहिं इत्थीहि य जाव सद्धिं संपरिवुडे बहुविहरु पल्लवप उरपाणियतणे निभए निरुव्विग्गे सुहंसुहेणं विहरसि । तए णं तुमं मेहा ! अन्नया कयाइ पाउसवरसारत्तसरयहेमंत वसंतेसु कमेण पंचसु उऊसु समइकंतेसु गिम्हकालसमयं सि जेट्ठामूलमासे पायवघंससमुट्ठिएणं सुक्कतणपत्तकयवर मारुयसंजोगदीविएणं महाभयंकरेणं हुयवहेणं वणदवजालासंपलित्तेसु वर्णतेसु धूमाउलासु दिसासु महावायवेगेणं संघट्टिएस छिन्नजालेसु आवयमाणेसु पोलरुक्खेसु अंतो २ झियाय माणेसु मयै कुहियविणट्ठ किमियकेद्द मनई वियरगज्झीणपाणीयंतेसु वणंतेसु भिंगारकदीणकंदियरवेसु खरफरुसअणिट्ठरिट्ठवाहित्तविद्दुमग्गेसु दुमेसु तन्हावसमुकपक्खपैंयडियजिब्भतालुयअसंपुडियतुंडपक्खिसंघेसु संसंतेसु गिम्हउण्हवा यखरफरुसचंडमारुयसुक्कतणपत्तकयवर वाउलिभमंत दिन्नसंभंतसाव याउलमिगतण्हाबद्धचिंधपट्टेसु गिरिवरेसु संबट्टएँसु तत्थ मियपसयसरीसिवेसु अवदालियवयणविवरनिलालियग्गजी महंत तुंबइयपुण्णकण्णे संकुचियथोरपीवरकरे ऊसियनंगूले पीणाइयविरसरडियसणं फोडयंतेव अंबरतलं पायदद्दरएणं कंपयंते
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |