________________
230
नायाधम्मकहाओ........--[ilr.162. परिसा पज्जुवासइ । तेणं कालेणं २ कण्हा देवी ईसाणे कप्पे कण्हवडेंसए विमाणे सभाए सुहम्माए कण्हंसि सीहासणंसि सेसं जहा कालीए एवं अट्ठ वि अज्झयणा कालीगमएणं नायव्वा नवरं पुव्वभवो वाणारसीए नयरीए दोजणीओ रायगिहे नयरे दोजणीओ सावत्थीनयरीए दोजणीओ कोसंबीए नयरीए दोजणीओ रामे पिया धम्मा माया सव्वाओ वि पासस्स अरहओ अंतिए पव्वइयाओ पुप्फचूलाए अजाए सिस्सिणियत्ताए ईसाणस्स अग्गमहिसीओ ठिई नवपलिओवमाई महाविदेहे वासे सिज्झिहिंति बुज्झिहिंति मुञ्चिहिंति सव्वदुक्खाणं अंतं काहिंति । एवं खलु जंबू ! निक्खेवगो दसमवग्गस्स । दसमो वग्गो समत्तो।
(162) एवं खलु जंबू ! समणेणं भगवया महावीरेणं आइगरेणं तित्थगरेणं सयंसंबुद्धणं पुरिसोत्तमेणं पुरिससीहेणं जाव संपत्तेणं धम्मकहाणं अयमढे पन्नत्ते । धम्मकहा सुयक्खंधो सम्मत्तो । दसहिं वग्गेहिं नायाधम्मकहाओ सम्मत्ताओ ॥
॥ बीओ सुयक्खंधो समत्तो॥ ॥ नायाधम्मकहाओ समत्ताओ ॥
