Page Text
________________
226
नायाधम्मकहाओ II.11.153(152) (i) जइ णं भंते ! समणेणं० धम्मकहाणं पढमस्स वग्गस्स पढमज्झयणस्स अयमढे पन्नत्ते बिइयस्स णं भंते ! अज्झयणस्स समणेणं जाव संपत्तेणं के अढे पन्नत्ते ? एवं खलु जंबू ! तेणं कालेणं २ रायगिहे नयरे गुणसिलए चेइए सामी समोसढे परिसा निग्गया जाव पन्जुवासइ । तेणं कालेणं २ राई देवी चमरचंचाए रायहाणीए एवं जहा काली तहेव आगया नट्टविहिं उवदंसित्ता पडिगया । भत्तेत्ति भगवं गोयमे पुटवभवपुच्छा । एवं खलु गोयमा ! तेणं कालेणं २ आमलकप्पा नयरी अंबसालवणे चेइए जियसत्तू राया राई गाहावई राइसिरी भारिया राई दारिया पासस्स समोसरणं राई दारिया जहेव काली तहेव निक्खंता तहेव सरीरबाउसिया तं चेव सव्वं जाव अंतं काहिइ। एवं खलु जंबू! बिईयज्झयणस्स निक्खेवओ ॥ जइ णं भंते तइयज्झयणस्स उक्खेवओ । एवं खलु जंबू ! रायगिहे नयरे गुणसिलए चेइए एवं जहेव राई तहेव रयणी वि नवरं आमलकप्पा नयरी रयणे गाहावई रयणसिरी भारिया रयणी दारिया सेसं तहेव जाव अंतं काहिइ । एवं विजू वि आमलकप्पा नयरी विज्जू गाहावई विज्जुसिरी भारिया विजू दारिया सेसं तहेव । एवं मेहा वि आमलकप्पाए नयरीए मेहे गाहावई मेहसिरी भारिया मेहा दारिया सेसं तहेव । एवं खलु जंबू समणेणं जाव संपत्तेणं धम्मकहाणं पढमस्स वग्गस्स अयमढे पन्नत्ते ।
___(153) (ii) जइ णं भंते ! समणेणं० दोच्चस्स वग्गस्स उक्खेवओ । एवं खलु जब ! समणेणं० दोच्चस्स वग्गस्स पंच अज्झयणा पन्नत्ता तंजहा- सुंभा निसुंभा रंभा निरंभा मयणा। जइ णं भंते ! समणेणं० धम्मकहाणं दोच्चस्स वग्गस्स पंच अज्झयणा पन्नत्ता दोच्चस्स णं भंते ! वग्गस्स पढमज्झयणस्स के अढे पन्नत्ते ? एवं खलु जंबू ! तेणं कालेणं २ रायगिहे नयरे गुणसिलए चेइए सामी समोसढे परिसा निग्गया जाव पज्जुवासइ । तेणं कालेणं २ सुभा देवी बलिचंचाए रायहाणीए सुंभवडेंसए झवणे संभंसि सीहासणंसि कालीगमएणं जाव नट्टविहिं उवदंसेत्ता जाव पडिगया । पुष्वभवपुच्छा । सावत्थी नयरी कोट्टए चेइए जियसत्तू
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |