________________
206
भावाधम्मकहाओ fXVII.188गंधेणं विलाओ निद्धावई उरगो ॥६॥ तित्सकडुयं कसायं अंबिरं महुरं बहुखज्जपेजलेज्मेसु । आसायंमि उ गिद्धा रमति जिभिदियबसट्टा ॥७॥ जिभिदियदुहंतत्तणस अह एत्तिओ हवइ दोसो । जं गललग्गुक्खित्तो फुरइ थलविरेल्लिओ मच्छो ॥८॥ उउभयमाणसुहेहि य सविभवहिययमणनिव्वुइकरहिं । फासेसु रजमागा रमंति फासिंदियवसट्टा ॥९॥ फासिंदियदुईतत्तणस्स अह एत्तिओ हवइ दोसो । जं खणइ मत्थयं कुंजरस्स लोहंकुसो तिक्खो ॥१०॥ कलरिभियमहुरतंतीतलतालवंसकउहाभिरामेसु । सहेसु जे न गिद्धा वसट्टमरणं न ते मरए ॥११॥ थणजहणवयणकरचरणनयणगवियविलासियगईसु । रुवेसु जे न रत्ता वसट्टमरणं न ते मरए ॥१२॥ अगरुवरपयरधूवणउउयमल्लाणुलेवणविहीसु । गंधेसु ले न गिद्धा वसट्टमरणं न से मरए ॥१३॥ तित्सकडुयं कसायं महुरंबबहुखजपेजलेज्झेसु । आसायंमि न गिद्धा वसट्टमरणं न ते मरए ॥१४॥ उउभयमाणसुहेसु य सविभवहिययमणनिव्वुइकरेसु । फासेसु जे न गिद्धा वसट्टमरणं न ते मरए ॥१५॥ सहेसु य भयपावएसु सोयविसयं उवागएसु । तुटेण व रुटेण व समणेण सया न होयव्वं ॥१६॥ रूवेसु य भहयपावएसु चक्खुविसयं उवगएसु । तुटेण व रुटेण व समणेण सया न होयव्वं ॥१७॥ गंधेसु य भहयपावएसु घाणविसयमुवगएसु । तुटेण व रुटेण व समणेण सया न होयव्वं ॥१८॥ रसेसु य भद्दयपावएसु जिब्भविसयमुवगएसु । तुट्टेण व रुढेण व समणेण सया न होयव्वं ॥१९॥ फासेसु य भयपावएसु कायविसयमुवगएसु । तुटेण व रुढेण व समणेण सया न होयव्वं ॥२०॥
एवं खलु जंबू ! समणेणं भगवया महावीरेणं जाव संपत्तेणं सत्तरसमस नायज्झयणस्स अयमढे पन्नत्ते त्तिबेमि ।
॥ सत्तरसमं नायज्झयणं समत्तं ॥१७॥
