Page Text
________________
202
नायाधम्मकहाओ . [XVII.137जेणेव कालियदीवे तेणेव उवागच्छंति २ पोयवहणं लंबेंति २ एगट्ठियाहिं कालियदीवं उत्तरंति । तत्थ णं बहवे हिरण्णागरे य सुवण्णागरे य रयणागरे य वइरागरे य बहवे तत्थ आसे पासंति किं ते ? हरिरेणुसोणिसुत्तग आइण्णवेढो । तए णं ते आसाओ वाणियए पासंति तेसिं गंधं आघायंति भीया तत्था उव्विग्गा उव्विग्गमणा तओ अणेगाई जोयणाइं उन्भमंति । ते णं तत्थ पउरगोयरा पउरतणपाणिया निब्भया निरुव्विग्गा सुहंसुहेणं विहरंति । तए णं ते संजुत्तानावावाणियगा अन्नमन्नं एवं वयासी- किन्नं अम्हं देवाणुप्पिया! आसेहिं ? इमे गं बहवे हिरण्णांगरा य सुवण्णांगरा य रयणागरा य वयरागरा य । तं सेयं खलु अम्हं हिरण्णस्स य सुवण्णस्स य रयणस्स य वयरस्स य पोयवहणं भरित्तए त्तिकटु अन्नमन्नस्स एयमéपडिसुणेतिरहिरण्णस्स य सुवण्णस्स य रयणस्स य वयरस्स य तणस्स य कट्ठस्स य अन्नस्स य पाणियस्स य पोयवहणं भरेंति २ दक्खिणाणुकूलेणं वाएणं जेणेव गंभीरपोयपट्टणे तेणेव उवागच्छंति २ पोयवहणं लंबेंति २ सगडीसागडं सजेति २ तं हिरणं जाव वइरं च एगट्ठियाहिं पोयवहणाओ संचारेंति २ सगडीसागडं संजोएंति जेणेव हथिसीसे नयरे तेणेव उवागच्छंति २ हत्थिसीसयस्स नयरस्स बहिया अग्गुजाणे सत्थनिवसं करेंति २ सगडीसागडं मोएंति २ महत्थं जाव पाहुडं गेण्हति २ हत्थिसीसं च नयरं अणुप्पविसंति २ जेणेव से कणगकेऊ तेणेव उवागच्छंति २ जाव उवणेति । तए णं से कणगकेऊ तेसिं संजुत्तावाणियगाणं तं महत्थं नाव पडिच्छइ २ ते संजुत्तावाणियगा एवं वयासी - तुब्भे णं देवाणुप्पिया ! गामागर जाव आहिंडह लवणसमुहं च अभिक्खणं २ पोयवहणेणं ओगाहेह । तं अत्थियाइ त्थं केइ भे कहिंचि अच्छेरए दिट्ठपुवे ? तए णं ते संजुत्तावाणियगा कणगकेउं एवं वयासी -- एवं खलु अम्हे देवाणुप्पिया । इहेव हत्थिसीसे नयरे परिवसामो तं चैव जाव कालियंदीवंतेणं संयूँढा । तत्थ णं बहवे हिरणोगरा य जाव बहवे तस्थ आसे । किं ते ? हरिरेणु जाव अणेगाइं जोयणाई उन्भमंति । तए णं सामी ! अम्हेहिं कालियदीवे
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |