Page Text
________________
-XVI.129] नायाधम्मकहाओ
187 झियाहि १ एवं खलु तुमं देवाणुप्पिए ! मम पुत्वसंगइएणं देवेणं जंबुदीवाओ २ भारहाओ वासाओ हथिणाउराओ नयराओ जुहिडिल्लस्स रनो भवणाओ साहरिया । तं मा णं तुमं देवाणुप्पिया । ओहय जाव झियाहि । तुम णं मए सद्धिं विपुलाई भोगभोगाइं जाव विहराहि । तए णं सा दोवई पउमनाभं एवं वयासी- एवं खलु देवाणुप्पिया ! जंबुद्दीवे २ भारहे वासे बारवईए नयरीए कण्हे नामं वासुदेवे मम पियभाउए परिवसइ । तं जइ णं से छण्हं मासाणं मम कूवं नो हव्वमागच्छइ तए णं अहं देवाणुप्पिया ! जं तुमं वदसि तस्स आणाओवायवयणनिदेसे चिहिस्सामि । तए णं से पउमनाभे दोवईए एयमढें पडिसुणेइ २ दोवई देविं कन्नतेउरे ठवेइ । तए णं सा दोवई देवी छटुंछटेणं अणिक्खित्तेणं आयंबिलपरिग्गहिएणं तवोकम्मेणं अप्पाणं भावेमाणी विहरइ।
__ (129) तए णं से जुहिडिल्ले राया तओ मुहुत्तंतरस्स पडिबुद्धे समाणे दोवई देविं पासे अपासमाणे सयणिज्जाओ उठेइ २ दोवईए देवीए सव्वओ समंता मग्गणगवेसणं करेइ २ दोवईए देवीए कत्थइ सुई वा खुई वा पवत्तिं वा अलभमाणे जेणेव पंडूराया तेणेव उवागच्छइ २ पंडूरायं एवं वयासी- एवं खलु ताओ ! मम आगासतलगसि सुहपसुत्तस्स पासाओ दोवई देवी न नजइ केणइ देवेण वा दाणवेण वा किंपुरिसेण वा किन्नरेण वा महोरगेण वा गंधव्वेण वा हिया वा निया वा अक्खित्ता वा । तं इच्छामि गं ताओ ! दोवईए देवीए सव्वओ समंता मग्गणगवेसणं करित्तए । तए णं से पंडूराया कोडुबियपुरिसे सहावेइ २ एवं वयासी - गच्छह णं तुब्भे देवाणुप्पिया! हत्थिणाउरे नयरे सिंघाडगतिगचउक्चच्चरमहापहपहेसु महया २ सद्देणं उग्घोसेमाणा २ एवं वयह – एवं खलु देवाणुप्पिया ! जुहिडिल्लस्स रन्नो आगासतलगंसि सुहपसुत्तस्स पासाओ दोवई देवी न नजइ केणइ देवेण वा दाणवेण वा किन्नरेण वा किंपुरिसेण वा महोरगेण वा गंधव्वेण वा हियों वा निया वा अक्खित्ता वा । तं जो णं देवाणुप्पिया ! दोवईए देवीए सुई वा खुइं वा पवित्तिं वा परिकहेइ तस्स णं पंडूराया
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |