Page Text
________________
186
नायाधम्मकहाओ . [AVI.128पोसहसालं जाव पुव्वसंगइयं देवं एवं वयासी- एवं खलु देवाणुप्पिया ! जंबुद्दीवे २ भारहे वासे हथिणाउरे जाव उक्किट्ठसरीरा । तं इच्छामि णं देवाणुप्पिया ! दोवई देवी इहमाणीयं । तए णं पुव्वसंगइए देवे पउमनाभं एवं वयासी - नो खलु देवाणुप्पिया! एवं भूयं वा भव्वं वा भविस्सं वा जन्नं दोवई देवी पंचपंडवे मोत्तणं अन्नेणं पुरिसेणं सद्धिं उरालाइं जाव विहरिस्सइ । तहावि य णं अहं तव पियट्ठयाए दोवइं देविं इहं हव्वमाणेमि त्तिकटु पउमनाभं आपुच्छइ २ ताए उक्किट्ठाए जाव लवणसमुदं मझमझेणं जेणेव हत्थिणाउरे नयरे तेणेव पहारेत्थ गमणाए । तेणं कालेणं २ हत्थिणाउरे नयरे जुहिडिल्ले राया दोवईए देवीए सद्धिं उपि आगासतलगंसि सुहप्पसुत्ते यावि होत्था । तए णं से पुव्वसंगइए देवे जेणेव जुहिडिल्ले राया जेणेव दोवई देवी तेणेव उवागच्छइ २ दोवईए देवीए ओसोणियं दलयइ २ दोवइं देविं गिण्हइ २ ताए उकिट्ठाए जाव जेणेव अवरकंका जेणेव पउमनाभस्स भवणे तेणेव उवागच्छइ २ पउमनाभस्स भवणंसि असोगवणियाए दोवई देविं ठावेइ २ ओसोवणिं अवहरइ २ जेणेव पउमनाभे तेणेव उवागच्छइ २ एवं वयासी- एस णं देवाणुप्पिया ! मए हत्थिणाउराओ दोवई देवी इहं हव्वमाणीया तव असोगवणियाए चिट्ठइ । अओ परं तुम जाणसि तिकटु जामेव दिसि पाउन्भूए तामेव दिसि पडिगए । तए णं सा दोवई देवी तओ मुहुत्तरस्स पडिबुद्धा समाणी तं भवणं असोगवणियं च अपञ्चभिजाणमाणी एवं क्यासी - नो खलु अम्हं ऐसे संए भवणे नो खलु एसा अम्हं सया असोगवणिया । तं न नजइ णं अहं केणइ देवेण वा दाणवेण वा किंपुरिसेण वा किन्नरेण वा महोरगेण वा गंधव्वेण वा अन्नस्स रन्नो असोगवणियं साहरिय त्तिकटु ओहयमणसंकप्पा जाव झियायइ । तए णं से पउमनाभे राया बहाए आव सव्वालंकारविभूसिए अंतेउरपरियालसंपरिबुडे जेणेव असोगवणिया जेणेव दोवई देवी तेणेव उवागच्छइ २ दोवइं देवि ओहय जाव झियायमाणिं पासइ २ एवं क्यासी - किन्नं तुमं देवाणुप्पिए! ओहय जाव
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |