Nayadhamma Kahao

SR No.: 022565
Original Sutra Author: N/A
Author: N V Vaidya
Publisher: N V Vaidya
Publication Year: 1940
Total Pages: 254
Language: Sanskrit
Classification: Book_Devnagari & agam_gyatadharmkatha
File Size: 20 MB

Page 163

156
नायाधम्मकहाओ [XIV.101वासा वि यणं नो आढाइ ३ । तए णं से तेयलिपुत्ते जेणेव वासघरे जेणेव संयणिज्जे तेणेव उवागच्छइ २ सयणिज्जंसि निसीयइ २ एवं वयासीएवं खलु अहं सयाओ गिहाओ निग्गच्छामि तं चेव जाव अभितरिया परिसा नो आढाइ नो परियाणाइ नो अब्भुढेइ । तं सेयं खलु मम अप्पाणं जीवियाओ ववरोवित्तए तिकटु एवं संपेहेइ २ तालउडं विसं आसगंसि पक्खिवइ । से नो संकमइ । तए णं से तेयलिपुत्ते अमचे नीलुप्पल जाव असिं खंधसि ओहरइ । तत्थ वि य से धारा ओपल्ला । तए णं से तेयलिपुत्ते जेणेव असोगवणिया तेणेव उवागच्छइ २ पासगं गीवाए बंधइ २ रुक्खं दुरूहइ २ पासगं रुक्खे बंधइ २ अप्पाणं मुयइ । तत्थ वि य से रज्जू छिन्ना । तए णं से तेयलिपुत्ते महइमहालियं सिलें गीवाएं बंधइ २ अत्थाहमतारमपोरिसीयंसि उदगंसि अप्पाणं मुयइ । तत्थ वि से थाहे जाए । तए णं से तेयलिपुत्ते सुक्कंसि तणकूडंसि अगणिकायं पक्खिवइ २ अप्पाणं मुयइ । तत्थ वि य से अगणिकाए विज्झाए। तए णं से तेयलिपुत्ते एवं वयासी - सद्धेयं खलु भो समणा वयंति । सद्धेयं खलु भो माहणा वयंति । सद्धेयं खलु भो समणा माहणा वयंति । अहं एगो असद्धेयं वयामि । एवं खलु अहं सह पुत्तेहिं अपुत्ते । को मेदं सहहिस्सइ ? सह मित्तेहिं अमित्ते । को मेदं सहहिस्सइ ? एवं अत्थेणं दारेणं दासेहिं पेसेहिं परिजणेणं । एवं खलु तेयलिपुत्तेणं अमघेणं कणगझएणं रना अवज्झाएणं समाणेणं तालपुडगे विसे आसगंसि पक्खित्ते । से वि य नो कमइ । को मेयं सहहिस्सइ ? तेयलिपुत्ते नीलुप्पल. जाव खंधसि ओहरिए । तत्थ वि य से धारा ओपल्ला । को भेदं सहहिस्सइ ? तेयलिपुत्ते पासगं गीवाए बंधित्ता जाव रज्जू छिन्ना । को मेयं सहहिस्सइ ? तेयलिपुत्ते महालियं जाव बंधित्ता अत्थाह जाव उदगंसि अप्पणिं मुक्के । तत्थ वि य णं थाहे जाए । को मेयं सहहिस्सइ ? तेयलिपुत्ते सुकंसि तणकडे अग्गी विज्झाए । को मेयं सहहिस्सइ ? - ओहयमणसंकप्पे जाव झियायइ । तए णं से पोट्टिले देवे पोट्टिलारूवं विउव्वइ २ तेयलिपुत्तस्स अदूरसामंते ठिच्चा एवं वयासी-हं भो तेयलिपुत्ता !