Page Text
________________
144 - नायाधम्मकहाओ [XIII.100सुहंसुहेणं विहरइ । तं धन्ने कयत्थे कयलक्खणे कयपुण्णे कया णं लोया सुलद्धे माणुस्सए जम्मजीवियफले नंदस्स माणयारस्स । तए णं रायगिहे सिंघाडग जाव बहुजणो अन्नमन्नस्स एवमाइक्खइ ४ - धन्ने णं देवाणुप्पिया! नंदे मणियारे सो चेव गमओ जाव सुहंसुहेणं विहरइ । तए णं से नंदे मणियारे बहुजणस्स अंतिए एयमहूँ सोचा निसम्म हट्टतुढे धाराहयकयंबकं पिव समूसवियरोमकूवे परं सायासोक्खमणुभवेमाणे विहरइ।
(100) तए णं तस्स नंदस्स मणियारसेट्ठिस्स अन्नया कयाइ सरीरगंसि सोलस रोयायंका पाउन्भूया तंजहा- सासे कासे जरे दाहे कुच्छिसूले भगंदरे । अरिसा अजीरए दिट्ठीमुद्धसूले अकारए ॥१॥ अच्छिवेयणा कण्णवेयणा कंडू दैउदरे कोढे ॥ तए णं से नंदे मणियारसेट्ठी सोलसहिं रोयायंकेहिं अभिभूए समाणे कोडंबियपुरिसे सहावेइ २ एवं वयासी- गच्छह णं तुन्भे देवाणुप्पिया ! रायगिहे नयरे सिंघाडग जाव पहेसु महया २ सदेणं उग्घोसेमाणा २ एवं वयह- एवं खलु देवाणुप्पिया! नंदस्स मणियारस्स सरीरगंसि सोलस रोयायंका पाउन्भूया तंजहा - सासे जाव कोढे । तं जो णं इच्छइ देवाणुप्पिया ! विजो वा विजपुत्तो वा जाणुओ वा २ कुसलो वा २ नंदस्स मणियारस्स तेसिं च णं सोलसण्हं रोयायंकाणं एगमवि रोयायंक उवसामित्तए तस्स णं नंदे मणियारे विउलं अत्थसंपयाणं दलयइ त्तिकटु दोच्चपि तश्चंपि घोसणं घोसेह २ एयमाणत्तियं पञ्चप्पिणह तेवि तहेव पञ्चप्पिणंति । तए णं रायगिहे इमेयारूवं घोसणं सोचा निसम्म बहवे वेज्जा य वेजपुत्ता य जाव कुसलपुत्ता य सत्थकोसहत्थगया य सिलियाहत्थगया य गुलियाहत्थगया य ओसहभेसज्जहत्थगया य सएहिं २ गिहेहिंतो निक्खमंति २ रायगिहं मझमझेणं जेणेव नंदस्स मणियारसेट्ठिस्स गिहे तेणेव उवागच्छंति २ नंदस्स मणियारस्स सरीरंग पासंति २ तेसिं रोयायंकाणं नियाणं पुच्छंति २ नंदस्स मणियारस्स बहहिं उचलणेहि य उव्वदृणेहि य सिणेहपाणेहि य वमणेहि य विरेयणेहि य सेयणेहि य अवदहणेहि य
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |