Page Text
________________
131
-1x3]
नयाधम्मकहाओ सरसर्वहियस्स घेत्तूण अंगमंगाई सरुहिराई उक्खित्तबलिं चाहार्स करई सा पंजली पहट्ठा।
(91) एवामेव समणाउसो ! जो अम्हं निग्गंथाण वा निग्गंथीण वा अंतिए पव्वइए समाणे पुणरवि माणुस्सए कामभोगे आसायइ पत्थयइ पीहेइ अभिलसइ से णं इहभवे चेव बहूणं समणाणं बहूणं समणीणं बहूणं सावयाणं बहूणं सावियाणं जाव संसारं अणुपरियट्टिस्सइ जहा व से जिणरक्खिए । छलिओ अवयक्खंतो निरावयक्खो गओ अविग्घेणं । तम्हा पत्रयणसारे निरावयक्खेण भवियव्वं ॥१॥ भोगे अवयक्खंता पडंति संसारसागरे घोरे । भोगेहिं य निरवयक्खा तरंति संसारकंतारं ॥२॥ - (92) तए णं सा रयणदीवदेवया जेणेव जिणपालिए तेणेव उवागच्छइ बहहिं अणुलोमेहि य पडिलोमेहि य खरमउंयसिंगारेहि य कलुणेहि य उवसग्गेहि य जाहे नो संचाएइ चालित्तए वा खोभित्तए वा विपरिणामित्तए वा ताहे संता तंता परितंता निविण्णा समाणी जामेव दिसिं पाउन्भूया तामेव दिसिं पडिगया । तए णं से सेलए जक्खे जिणपालिएण सद्धिं लवणसमुहं मझमझेणं वीईवयइ २ जेणेव चंपा नयरी तेणेव उवागच्छइ २ चंपाए नयरीए अग्गुज्जाणंसि जिणपालियं पट्ठाओ ओयारेइ २ एवं वयासी - एस णं देवाणुप्पिया ! चंपा नयरी दीसह त्तिकट्ट जिणपालियं आपुच्छइ २ जामेव दिसिं पाउब्भए तामेव दिसिं पडिगए।
(93) तए णं जिणपालिए चंपं अणुपविसइ २ जेणेव सए गिहे जेणेव अम्मापियरो तेणेव उवागच्छइ २ अम्मापिऊणं रोयमाणे जाव विलवमाणे जिणरक्खियवावात्तिं निवेदेइ । तए णं जिणपालिए अम्मापियरो मित्तनाइ जाव परियणेणं सद्धिं रोयमाणाई बहूँई लोइयाई मयकिच्चाई करेंति २ कालेणं विगयसाया जाया ।तए णं जिणपालियं अन्नया कयाई सुहासणवरगयं अम्मापियरो एवं वयासी - कहण्णं पुत्ता ! जिणरक्खिए कालगए १ तए णं से जिणपालिए अम्मापिऊणं लवणसमुहोत्तारणं च कालियवायसमुच्छणं च पोयवहणविवत्तिं च फलहखंडासायणं च रयणदीवुत्तारं च रयणदविदेवयागेण्डिं च भोगविभूइं च रयणदीवदेवया
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |