Page Text
________________
101
VIII.74]
नायाधम्मक हाओ
पिसायरूवे अरहन्नगं धम्मज्झाणोवगयं पासइ २ बलियतरागं आसुरुत्ते तं पोयवहणं दोहिं अंगुलियाहिं गिन्हइ २ सत्तट्ठर्तलाई जाव अरहन्नगं एवं वयासी - हं भो अरहन्नगा ! अपत्थियपत्थिया ! नो खलु कप्पइ तव सीलव्वय तहेव जाव धम्मज्झाणोवगए विहरइ । तए णं से पिसायरूवे अरहन्नगं जाहे नो संचाएइ निग्गंथाओ चालित्तए वा तहेव संते जाव निव्विण्णे तं पोयवहणं सणियं २ उवरिं जलस्स ठवेइ २ तं दिव्वं पिसायरूवं पडिसाहरेइ २ दिव्वं देवरूवं विउब्वइ २ अंतलिक्खपडिवन्ने सखिंखिणीयाई जाव परिहिए अरहन्नगं समणोवासगं एवं वयासी हं भो अरहन्नगा ! धन्नोसि णं तुमं देवाणुप्पिया ! जाव जीवियफले जस्स णं तव निग्गंथे पावयणे इमेयारूवा पडिवत्ती लद्धा पत्ता अभिसमन्नागया । एवं खलु देवाणुप्पिया ! सक्के देविंदे देवराया सोहम्मे कप्पे सोहम्मवडिंसए विमाणे सभाए सुहम्माए बहूणं देवाणं मज्झ गएँ महया २ सणं एवं आइक्खइ ४- एवं खलु जंबुद्दीवे २ भारहे वासे चंपाए नयरीए अरहन्नए समणोवासए अभिगयजीवाजीवे नो खलु सक्का केणइ देवेण वा ६ निग्गंथाओ पावयणाओ चालित्तए जाव विपरिणामित्तए वा । तए णं अहं देवाणुप्पिया ! सक्कस्स नो एयमट्ठे सहहामि । तए णं मम इमेयारूवे अज्झत्थिए - गच्छामि णं अहं अरहन्नगस्स अंतियं पाउब्भवामि जाणामि ताव अहं अरहन्नगं किं पियधम्मे नो पियधम्मे, दृढधम्मे नो दढधम्मे, सीलव्वयगुणे किं चालेइ जाव परिच्चयइ नो परिच्चयइ त्तिकट्टु एवं संपेहेमि २ ओहिं पउंजामि २ देवाणुप्पियं ओहिणा आभोएमि २ उत्तरपुरस्थैिमं २ उत्तरवेउब्वियं ० ताए उक्किट्ठाए जेणेव लवणसमुद्दे जेणेव देवाणुप्पिया तेणेव उवागच्छामि २ देवाणुर्पियं उवसग्गं करोमि नो चेव णं देवाणुप्पिया भीया वा । तं जं णं सक्के ३ एवं वयइ सच्चे णं एसमट्ठे । तं दिट्ठे णं देवाणुप्पि - याणं इड्डी जाव परक्कमे लद्धे पत्ते अभिसमन्नागए । तं खामेमिणं देवाणु - पिया | खमंतु मरहंतु णं देवाणुप्पिया! नाइभुज्जो एवं करणयाए तिकट्टु पंजलिउडे पायवडिए एयमहं विणएणं भुज्जो २ खामेइ अरहन्नगस्स य
-
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |