________________
८४
તત્ત્વાર્થસૂત્રના કર્તા કોણ ?”
દિગંબરો બન્નેય ભવાન્તરમાં ભગવાનની સેવા મળવી, શુભગુરૂનો યોગ પ્રાપ્ત થવો, ગુરૂ વચનનું શ્રવણ પામવું વગેરે વાતો મળવાની ચાહના કરે છે. પરંતુ તેમને નિદાન ગણીને આર્તધ્યાન નથી ગણતા. અતઃ કયું નિદાન આર્તધ્યાન ગણાય? એ વિચારવું જોઈએ. નિર્ણય એ જ હોવાનો કે વિષયાસક્તિના પરિણામવાળાનું જ નિદાન આર્તધ્યાન થશે.
(૪૮) સૂત્ર ૩૬માં દિગંબર લોકો ઘર્મધ્યાનના અધિકારીનો નિર્દેશ નથી કરતા. શ્વેતાંબર લોકો “સપ્રમત્ત સંયતી' એમ કહીને ધર્મધ્યાનના અધિકારીનો નિર્દેશ કરે છે. શ્વેતાંબરોનું કથન છે કે જો આર્ત, રૌદ્ર અને શુક્લ ધ્યાનના અધિકારી ભગવાન ઉમાસ્વાતિજી એ દર્શાવ્યા છે તો પછી અહીં ધર્મધ્યાનમાં અધિકારીનો નિર્દેશ કેમ નહીં ?
