________________
સૂત્ર-૭ શ્રી તત્ત્વાર્થાધિગમસૂત્ર અધ્યાય-૧૦
૫૩ અટકી જાય છે, તે સાધુ સૌધર્મ વગેરે કલ્પોમાં કે સર્વાર્થસિદ્ધ સુધીના વિમાન વિશેષોમાંથી કોઈપણ એક કલ્પમાં કે વિમાનમાં દેવરૂપે ઉત્પન્ન થાય છે.
ત્યાં સુકૃત કર્મફળને અનુભવીને સ્થિતિના ક્ષયથી વેલો દેશ-જાતિકુલ-શીલ-વિદ્યા-વિનય-વિભવ-વિષય-વિસ્તાર-વિભૂતિથી યુક્ત મનુષ્યોમાં જન્મ પામીને ફરી સમ્યગ્દર્શનાદિ વિશુદ્ધબોધિને પ્રાપ્ત કરે છે. આ સુખપરંપરાથી યુક્ત એવા કુશલ અભ્યાસના અનુક્રમથી ઉત્કૃષ્ટથી ત્રણવાર ઉત્પન્ન થઈને સિદ્ધ થાય છે.
નોંધ- ભાષ્યમાં રહેલા શ્લોકોનો અર્થ ટીકામાં આવી જતો હોવાથી અહીં તેનો અર્થ લખ્યો નથી. (૧૦-૭)
ભાષ્યપ્રશસ્તિ જેમનો યશ જગતમાં પ્રગટ છે તે શિવશ્રી નામના વાચક મુખ્યના પ્રશિષ્ય અગિયાર અંગોના જ્ઞાતા ઘોષનંદિક્ષમાશ્રમણના શિષ્ય વાચનાથી (ભણાવનારની અપેક્ષાએ) મહાવાચક શ્રમણ મુંડપાદના શિષ્ય વિસ્તૃત કીર્તિવાળા મૂલ નામના વાચકાચાર્યના શિષ્ય કૌભીષણ ગોત્રવાળા સ્વાતિ નામના પિતા અને વાત્સસૂતગોત્રવાળી (ઉમા નામની) માતાના પુત્ર ન્યગ્રોધિકા ગામમાં જન્મેલા કુસુમપુર(પાટલીપુત્ર) નામના શ્રેષ્ઠ નગરમાં વિચરતા ઉચ્ચનાગર શાખાના વાચક શ્રી ઉમાસ્વાતિજીએ ગુરુપરંપરાથી મળેલા ઉત્તમ અરિહંત વચનોને સારી રીતે સમજીને (શરીર અને મનનાં) દુઃખોથી પીડિત તથા દુરાગમથી (મિથ્યાશાસ્ત્રોથી) નષ્ટબુદ્ધિવાળા જગતને જોઈને જીવોની અનુકંપાથી સ્પષ્ટ અર્થવાળા આ તત્ત્વાર્થાધિગમ નામના શાસ્ત્રની રચના કરી છે. જે તત્ત્વાર્થાધિગમ નામના શાસ્ત્રને જાણશે અને તેમાં કહ્યા મુજબ કરશે તે અવ્યાબાધ સુખરૂપ પરમાર્થને(=મોક્ષને) અલ્પકાળમાં પ્રાપ્ત કરશે.
टीका- क्षेत्रादीनामल्पबहुत्वान्तानां द्वन्द्वः, क्षेत्रादीनि च द्वादशापि द्वाराणि प्रतिपदं दर्शयति भाष्येण,
