________________
શ્રી તત્ત્વાથધિગમસૂત્ર અધ્યાય-૧૦
સૂત્ર-૭ માનસિક દુઃખોથી પીડાયેલા, જેમાં લગભગ આ લોકના સુખ સંબંધી ઉપદેશ છે એવા અને પ્રમાણનું વિઘટ્ટન કરવામાં અસમર્થ એવા ત્રયી વગેરે દુષ્ટ આગમોથી વિહતમતિવાળા=જેમનું વિજ્ઞાન હણાઈ ગયું છે એવા લોકને જોઈને તત્ત્વાર્થાધિગમ નામનું સ્પષ્ટ અર્થવાળું શાસ્ત્ર ભવ્યજીવોની અનુકંપાથી રચાયું છે.
તેથી આ તત્ત્વાર્થાધિગમ નામના) શાસ્ત્રને જીવાદિતત્ત્વોના બોધ માટે જે સૂત્રથી અને અર્થથી જાણશે અને તેમાં કહેલું આચરશે તે અવ્યાબાધ સુખરૂપ, અનંત, અનુપમ અને પરમાર્થવાળા મોક્ષને જલદીથી પ્રાપ્ત કરશે.
- ભાવાનુવાદકારની પ્રશસ્તિ આ પ્રમાણે પ.પૂ. આચાર્ય શ્રી હરિભદ્રસૂરિ મહારાજા વડે શરૂ કરાયેલી (અને છઠ્ઠા અધ્યાયના ૨૩મા સૂત્રમાં વિનયસમ્પન્નતા પદ સુધી પૂર્ણ કરાયેલી) પછી છઠ્ઠા અધ્યાય સુધી આચાર્ય શ્રી યશોભદ્રસૂરિ વડે પૂર્ણ કરાયેલી અને ત્યાર પછી(=સાતમા અધ્યાયથી બાકી રહેલી ટીકા) તેમના શિષ્ય વડે પૂર્ણ કરાયેલી તત્ત્વાર્થાધિગમ સૂત્રની દશમા અધ્યાયની ડુપડુપિકા નામની ટીકાનો સિદ્ધાંત મહોદધિ પરમ પૂજય આચાર્યદેવ શ્રીમદ્ વિજય પ્રેમસૂરીશ્વરજી મહારાજાના પટ્ટાલંકાર પરમ ગીતાર્થ પરમ પૂજય આચાર્યદેવ શ્રીમદ્ વિજય હીરસૂરીશ્વરજી મહારાજાના પટ્ટાલંકાર ગચ્છસ્થવિર પરમ પૂજય આચાર્યદેવ શ્રીમદ્ વિજય લલિતશેખરસૂરીશ્વરજી મહારાજાના પટ્ટાલંકાર પંચસૂત્ર, પંચવસ્તુ, પંચાશક, ધર્મબિંદુ, યોગબિંદુ, ઉપદેશપદ, ઉપદેશમાલા (પુષ્પમાલા), શ્રાદ્ધદિનકૃત્ય, વીતરાગસ્તોત્ર, શીલોપદેશમાલા, અષ્ટક પ્રકરણ, નવપદ પ્રકરણ, યોગદષ્ટિ સમુચ્ચય, શ્રાવકધર્મવિધિપ્રકરણ, ચૈત્યવંદન મહાભાષ્ય, યતિલક્ષણ સમુચ્ચય, ગુરુતત્ત્વવિનિશ્ચય, સંબોધ પ્રકરણ, પ્રશમરતિ પ્રકરણ, શ્રાવક પ્રજ્ઞપ્તિ આદિ અનેક ગ્રંથોના ભાવાનુવાદકાર પરમ પૂજ્ય આચાર્યદેવ શ્રીમદ્ વિજય રાજશેખરસૂરીશ્વરજી મહારાજકૃત ગુર્જર (ગુજરાતી) ભાવાનુવાદ પૂર્ણ થયો.
