________________
पू. आ. श्रीसिद्धसेनदिवाकराचार्यविरचितम्
सम्मतिसूत्रम्
नयकंडम्
सिद्धं सिद्धत्थाणं ठाणमणोवमसुहं उवगयाणं । कुसमयविसासणं सासणं जिणाणं भवजिणाणं ॥१॥ समयपरमत्थवित्थरविहाडजणपज्जुवासणसयण्हो । आगममलारहियओ जह होति तमत्थमुन्नेसु ॥२॥ तित्थयरवयणसंगहविसेसपत्थारमूलवागरणी । दव्वट्ठिओ अ पज्जवणओ अ सेसा विअप्पा सिं ॥३॥ दव्वट्ठिअनयपयडी सुद्धा संगहपरूवणाविसओ । पडिरूवे पुण वयणत्थनिच्छओ तस्स ववहारो ॥४॥ मूलनिमेणं पज्जवनयस्स उज्जुसुअवयणविच्छेदो । तस्स उ सद्दाईआ साहपसाहा सुहुमभेआ ॥५॥ नामं ठवणा दविए ति एसु दव्वट्ठिअस्स निक्खेवो । भावो उ पज्जवट्ठिअस्स परूवणा एस परमत्थो ॥६॥ पज्जवणिसामन्नं वयणं दव्वट्ठिअस्स अत्थि त्ति । अवसेसो वयणविही पज्जवभयणा सपडिवक्खो ॥७॥
