________________
સપ્તભંગી રાસ વિશે કાંઈક.. સપ્તભંગી પ્રકાશની કરેકશન કોપી દસથી બાર વિદ્વાન મહાત્માઓને તપાસવા મોકલી ત્યારે એકાધિક મહાત્માઓનું સૂચન આવ્યું કે આનું ગુજરાતી પણ હોવું જોઈએ. બસ, એ જ નિમિત્તને પામીને સપ્તભંગી રાસની રચના થઈ.
એક અનુભૂતિ જે સપ્તભંગી પ્રકાશ વખતે પણ થઈ હતી. તે સપ્તભંગી રાસ વખતે વધુ ઘેરી રીતે થઈ. તે આ હતી, કે આ ગ્રંથની રચના દરમ્યાન મારી આસપાસ નિરંતર અદશ્યપણે પ્રાચીન ગ્રંથનિર્માતા પૂજ્યોની હાજરી સતત અનુભવતો હતો. ગણધર સુધર્મા સ્વામીજી, ઉમાસ્વાતિજી, સિદ્ધસેન દિવાકર સૂરિજી, વૃદ્ધવાદીદેવ સૂરિજી, અભયદેવ સૂરિજી, હેમચંદ્રાચાર્યજી, મલયગિરિજી, રત્નપ્રભસૂરિજી, મલ્લિષેણસૂરિજી અને મહોપાધ્યાય યશોવિજયજી.. આ દરેક પૂજ્યો મને વારાફરતી જ્ઞાન આપતાં, શીખવતાં, સમજાવતાં, ચૂકી જાઉં તો ટોકતાં... આ ગ્રંથનાં માધ્યમે તે સર્વ પૂજ્યોનું ગાઢ ઉપનિષદ્ અનુભવાયું, તે મારા માટે અવિસ્મરણીય સંભારણું બની રહેશે.
આજે ગ્રંથની સમાપ્તિ થતાં તે પૂજ્યોની જ વાતોને સૌની સમક્ષ મૂકવાનો એક સંતોષ-આનંદ છે. એની સાથોસાથ એમના પવિત્ર ઉપનિષહ્માંથી બહાર નીકળી જવાનો ડર અને દુઃખ પણ છે.
ફરી ફરીને તે પૂજ્યોને પ્રાર્થના કરું“હે ગ્રંથકાર ભગવંતો! તમારાં ચરણમાં રાખો મને.”
સપ્તભંગી-રાસમાં જિનાજ્ઞા વિરુદ્ધ કાંઈ પણ લખાણ થયું હોય, તો ત્રિવિધેત્રિવિધે મિચ્છામિદુક્કડમ્.
- તીર્થબોધિ વિ.
MMMMMMMMMMMMMMMMMMMMMMMM
IX
