________________
આદિથી અંત સુધી પૂજ્ય ગુરુદેવ પંન્યાસ શ્રી પદ્મબોધિ વિજય મ.સા.નાં પ્રેરણા-સહાય-કૃપા રહ્યાં. સુહૃર્ય મુનિરાજ શ્રી યશરત્ન વિ.મ.ની પણ અનેક બાબતે અંગત સહાય રહી. તે બદલ તેમનો ઋણી છું. આવું કહીશ તો એમને નહીં ગમે, ને નહીં કહું તો હું કૃતન કહેવાઈશ....
મુનિરાજ શ્રી ભવ્યસુંદર વિ.મ. એ પણ અમુક અમૂલ્ય સૂચનો કર્યા. તથા સુહૃર્ય મુનિરાજ શ્રી કરુણાદ્રષ્ટિ વિ... એ પણ આંશિક સંશોધન કર્યું, ને સંમાર્જન કર્યું, તે બદલ પૂજ્યોનો ખૂબ આભાર...
સુહૃર્ય ગણિવર્ય શ્રી લબ્ધિવલ્લભ વિ.મ.એ પાંચ દિવસની સહ સ્થિરતા દરમ્યાન ગ્રંથનાં બધાં જ પદાર્થો યથાર્થ રીતે જાણ્યાં, મને સ્વાધ્યાયનો લાભ આપ્યો ને સુંદર પ્રસ્તાવના લખી આપી તે બદલ તેઓશ્રીનો પણ આભાર...
મારો ઉદ્યમ કદાચ અધિક હશે. પણ પ્રતિભા અત્યલ્પ છે. જો આ સર્વે પૂજ્યોની પૂરક સહાય ન મળી હોત, તો ગ્રંથ અનેક રીતે અધૂરો રહી જાત... હું આ ગ્રંથને પૂર્વપુરુષરચિત ગ્રંથો-શાસ્ત્રોની તુલનામાં તથા મારી જાતને તે પૂજ્ય ગ્રંથકારોની તુલનામાં નવત્, અકિંચિત્ ગણું છું. મારાં મતે આ કોઇ ગ્રંથ નથી. પણ પૂજ્યોનાં શાસ્ત્રોને આધારે થયેલી નવોન્મેષ સભર અનુપ્રેક્ષાઓનો સમુચ્ચય માત્ર જ છે. અને હું સર્જક નથી, માત્ર વિચારક છું.
પ્રાંતે, ખૂબ કાળજી રાખવાં છતાંય છદ્મસ્થતાવશાત્ રહી ગયેલી ક્ષતિઓ તરફ બહુશ્રુતો ધ્યાન દોરશે એવી અપેક્ષા, દુર્જનોનાં દુર્દન્ત પ્રલાપોની ઉપેક્ષા, જેઓના ગ્રંથો દ્વારા સ્વાધ્યાયનું ભાથું મળ્યું એ પ્રાચીન શાસ્ત્ર નિર્માતા પૂજ્યોનાં ચરણોમાં ભાવભરી વંદના સહ વિરમું છું.
આમાં જે સારું છે, તે દેવ-ગુરુકૃપાનું પરિણામ છે, ને જે નરસું છે, તે મારી છદ્મસ્થતાનાં કારણે છે. પ્રસ્તુત ગ્રંથમાં જિનપ્રવચન વિરુદ્ધ કાંઇપણ લખાયું હોય, તો ત્રિવિધ-ત્રિવિધે મિચ્છામિદુક્કડમ્.
લિ. તીર્થબોધિ વિ.
VIII
