Page Text
________________
A ૦૨) • શક્યત્વછીમુદી ભાષાંતર : છે; તેમજ સમ્યગુદર્શન, જ્ઞાન અને ચારિત્રરૂપ ત્રણ ઉત્તમ રત્નને ધારણ કરનારા (થાવત્ શાસનની પ્રભાવના કરનારા) મુનિવરો પણ અહીં વર્તે છે. તે આગમવાણીનું યથાર્થ આલંબન લેવું એ એની પૂજા જ છે અને જિનવચનની યથાર્થ સેવા, પૂજા, આદર, કરવાથી સાક્ષાત્ જિન જ પૂજયા જાણવા.
હવે મંત્રીએ મુનિને દાન દીધું, તેથી તેના ઘરમાં દેવતાઓએ પાંચ પ્રકારનાં આશ્ચર્ય પ્રગટ કર્યા. દાનનું આવું ફળ જોઈને મંત્રી પણ મનને વિષે ચિંતવવા લાગ્યો. “અહો ! વૈષ્ણવ ધર્મને વિષે મેં બહુ પ્રકારે ધર્મ-દાન કર્યા, પણ કાંઈ આશ્ચર્ય દીઠું નહીં. અગ્નિ હોતુને, કથા સાંભળવામાં આવેલાને, અભ્યાસીઓને, ધર્મ કહેનારાઓને, તપસ્વીઓને, ત્રિદંડીઓને અને યોગીંદ્રોને અનેક પ્રકારે દાન દીધેલાં છે; તેમજ સુવર્ણદાન, તલદાન, ગજદાન, રથદાન, દાસીદાન, પૃથ્વીદાન, ગૃહદાન, કન્યાદાન અને કપિલાધેનુદાન, એ નવ પ્રકારનાં મહાદાન પણ મેં દીધાં; પરંતુ કોઈ પ્રકારનું આશ્ચર્ય મેં દીઠું નહીં.'
આમ નિશ્ચય કરીને મંત્રીએ આચાર્યને પૂછ્યું: “હે ભગવાન! મેં ઘણાં દાન દીધાં, પરંતુ દાનફળનો અતિશય ક્યાંય પણ દેખ્યો નહીં તેનું કારણ શું ?' મુનિએ ઉત્તર આપ્યો. “હે સચિવ ! તેઓ કુપાત્ર છે, આર્તધ્યાન-રૌદ્રધ્યાનવાળા છે, માટે તેમને દાન દેવાથી કંઈ ફલ થાય નહીં, પરંતુ જે અતિથિ આત્માને એટલે પોતાને તેમજ પોતાના આશ્રિત સેવકને તારે, તેનેજ દાન દેવું. કહ્યું છે કે જે પાપ-દોષરહિત નિષ્પાપ-નિર્દોષ માર્ગે પોતે પ્રવર્તે, તેમજ બીજા ભવ્યજનોને તેવા જ માર્ગમાં પ્રવર્તાવે, પોતે સર્વ વસ્તુને વિષે નિસ્પૃહિ હોય, તેને જ આત્મહિત વિચારનાર માણસે સેવવા. કારણ કે તેવા જ પોતે તરે છે અને બીજાને તારવાને સમર્થ છે. વળી કહ્યું છે કે : સ્વર્ગ અથવા મોક્ષપદ પામવાની કામનાવાળા જનોએ શીલ-સદાચારવંત સજ્જન સંત સાધુજનો પ્રત્યે પ્રણામ કરીને (વિવેકસહિત) દાન દેવું, જેનાથી બંધ-મોક્ષ પ્રગટ સમજાય એવું તત્ત્વજ્ઞાન મેળવવું, અને જેના રાગ દ્વેષાદિક સઘળા દોષો સમૂળગા ક્ષીણ થયેલા હોય એવા જ દેવને સેવવા. ઉક્ત, દાન, જ્ઞાન અને સેવાભક્તિ, આત્માની ઉન્નતિ સહેજે સાધી આપે છે; પરંતુ વિવેક વગર કરેલાં તે જ જીવને ક્લેશકારી થાય છે. માટે દાનાદિકમાં વિવેક-વિચારની ખાસ જરૂર છે. વળી ઉત્તમ મધ્યમ અને જઘન્ય, એ ત્રણે પાત્રોને, ઔષધદાન, અભયદાન, આહારદાન અને શાસ્ત્રદાન, ઈત્યાદિ દાન યથાયોગ્ય રીતે દેવાં. કહ્યું છે કે : સાધુ એ ઉત્તમ
| SR No. | 022348 |
| Book Title | Samyktva Kaumudi Tatha Adinath Shakunavali |
| Original Sutra Author | N/A |
| Author | Padmabodhivijay |
| Publisher | Jinshasan Aradhana Trust |
| Publication Year | 2001 |
| Total Pages | 156 |
| Language | Gujarati, Sanskrit |
| Classification | Book_Gujarati & Book_Devnagari |
| File Size | 12 MB |