Page Text
________________
& શક્યા અને વસુમિત્રાના 8થા • (e) { દયાયુક્ત છે, તેમાં કહે છે કે, જે જીવહત્યા કરે તે નરકે જાય, અને જે જીવનું રક્ષણ કરે તેને સ્વર્ગાદિ સુખ મળે; માટે સુખની ઇચ્છાવાળા પ્રાણીએ જીવહિંસા ન કરવી.' એમ કહીને સૌમ્યાએ પૂર્વનો સર્વ વૃત્તાંત રાજાને કહી સંભળાવ્યો. ત્યારપછી કુટિનીએ ઘડામાંથી સર્પ કાઢીને સર્વેને બતાવ્યો અને પાછો તેમાં મૂક્યો. સૌમ્યાએ ઘડામાં હાથ ઘાલ્યો તો તેમાં પુષ્પની માળા હતી. ને તેણે બહાર કાઢી સર્વેને બતાવી. વળી કુટ્ટિનીએ લીધી તો સર્પ થઈ ગયો. એમ બહુવાર કરી બતાવ્યું, તેથી લોકો વિસ્મય પામ્યા. પછી કુટિનીએ કહ્યું, “જો સૌમ્યા, મારી પુત્રીને જીવતી કરે તો હું તેણીને વિશુદ્ધ માનું, નહિ તો નહીં.”
એટલે સૌમ્યાએ ભગવંતનું ધ્યાન ધરી, સ્તુતિ કરી, પોતાનો હાથ કામલતાને શરીરે સ્પર્શાવ્યો કે તુરત જ તે વિષરહિત થઈ ગઈ અને બેઠી થઈ. કહ્યું છે કે : જિનેશ્વરની સ્તુતિ કરવાથી વિઘ્નો નાશ પામે છે, અને શાકિની, ભૂત, સર્પ, વિષ એ પણ ટળી જાય છે. કામલતાને જોઈને તેણીને અભયદાન દઈ રાજાએ કદિનીને પૂછ્યું. “આ સઘળું શાથી થયું? તે કહે.” તેણીએ કહ્યું. “હે દેવ ! આ સર્વ મહારાં કામ છે, એમાં સૌમ્યાનો કાંઈ પણ અપરાધ નથી; એતો નિર્દોષ છે.' એમ કહીને પૂર્વનો સર્વ વૃત્તાંત રાજા પાસે કહી બતાવ્યો.
ધર્મનો આવો પ્રભાવ દેખીને માણસો અને દેવો સૌમ્યાને પૂજવા લાગ્યા, દેવતાઓએ (પુષ્પવૃષ્ટિ, દેવદુંદુભિ, ઇત્યાદિ) પાંચ આશ્ચર્ય ક્ય. વળી લોકો કહેવા લાગ્યા કે, “ધર્મને પ્રભાવે શું શું નથી થતું? ધર્મને પ્રભાવે શરીર નિર્મળ થાય છે, કિર્તિ વધે છે, પ્રતાપ મળે છે, સૂર્યની પેઠે બ્રહ્માંડ શોભાવે છે, કર્મ ક્ષીણ થાય છે, આપત્તિ નાશ પામે છે, સંપત્તિનો ઝટ ઉદય થાય છે, પૈર્ય આવે છે, અને સર્વ કાર્યની સિદ્ધિ પણ ધર્મથી થાય છે.'
આ ઉપરથી રાજાએ, ગુણપાળ શ્રેષ્ઠીએ અને બીજા ઘણા માણસોએ શ્રી જિનચંદ્ર ભટ્ટારકની પાસે દીક્ષા લીધી. કેટલાક અન્ય ધર્મી હતા તે શ્રાવક થયા; કેટલાએક ભદ્રક પરિણામી થયા; રાજાની રાણી ભોગવતી, શ્રેષ્ઠી પત્ની ગુણવતી, સૌમ્યા અને બીજી ઘણી સ્ત્રીઓએ પણ શ્રીમતી સાધ્વીની પાસે દીક્ષા ગ્રહણ કરી; રુદ્રદત્ત, વસુમિત્રા અને કામલતાએ પણ બારવ્રત આદર્યા.
| (ચંદનશ્રી અર્હદાસ શ્રેષ્ઠીને કહે છે) : હે પતિ ! આ સર્વ મેં હારી નજરે જોયું છે, તેથી હવે મને દ્રઢતર સમકિત થયું છે. તેથી અહદાસે પણ
| SR No. | 022348 |
| Book Title | Samyktva Kaumudi Tatha Adinath Shakunavali |
| Original Sutra Author | N/A |
| Author | Padmabodhivijay |
| Publisher | Jinshasan Aradhana Trust |
| Publication Year | 2001 |
| Total Pages | 156 |
| Language | Gujarati, Sanskrit |
| Classification | Book_Gujarati & Book_Devnagari |
| File Size | 12 MB |