Page Text
________________
બુર ચોરની 8થા • (પ3) & પણ જો ગામની બહાર રહેલા સહસ્ત્રકૂટ નામના જિનાલયની અંદર નિવાસ કરનારા જિનદત્તશેઠને શરણે જઈશ, તો હું હારી રક્ષા કરીશ. તે સિવાય તને માર્યા વિના છોડીશ નહીં. . તે વચન સાંભળી તેણે શેઠનું શરણ પકડ્યું. પછી જિનાલયમાં જઈ રાજાએ કહ્યું કે, “હે શેઠ ! મારી રક્ષા કરો. હું તમારે શરણે આવ્યો છું. હે ધર્મિષ્ટ શ્રેષ્ઠી ! મારી રક્ષા કરવાથી તમે મારી ફરીથી પ્રતિષ્ઠા કરેલી થશે અને તમને ચોગણું પુણ્ય પ્રાપ્ત થશે. કહ્યું છે કે જે પુરુષ નાશ પામેલા ફળને, કૂવા, તળાવ કે વાવડીને, ભ્રષ્ટ થએલા રાજયને, શરણે આવેલા પ્રાણીને, ગાય તથા બ્રાહ્મણને અને જીર્ણ (જૂના) દેવાલયને ફરી બેઠું કરે છે, તેનો જીર્ણોદ્ધાર કરે છે, તેને ચારગણું પુણ્ય પ્રાપ્ત થાય છે.' રાજાનું વચન સાંભળી શેઠે મનમાં વિચાર્યું કે, આ રાક્ષસ નથી પણ વિકૃતરૂપી દેવતા લાગે છે; કારણ કે, બીજાનું માહાભ્ય આવું ન હોય.” પછી શેઠે કહ્યું. “હે દેવ ! જે ભયથી નાશી જાય, તેવાની પછવાડે લાગવું ન જોઈએ. કહ્યું છે કે વ્હીકણ માણસ નાશી ગયો હોય તો બળવાન પુરુષે તેની પછવાડે જવું નહીં. કારણ કે, કદાચિત મરણ પામવાનો નિશ્ચય કરી તે શૂરવીરતાને પામી સામો થાય.'
શેઠનું વચન સાંભળી દેવતા રાક્ષસરૂપ છોડી પ્રત્યક્ષ દેવતા થયો. તેણે પ્રથમ શ્રેષ્ઠીને ત્રણ પ્રદિક્ષણા કરી વંદન કર્યું. પછી દેવ ગુરુને નમસ્કાર કરી પાસે બેઠો. ત્યારે રાજાએ કહ્યું. “સ્વર્ગમાં પણ વિવેક લાગતો નથી કે, જે આ દેવતાએ દેવ ગુરુને છોડી પ્રથમ આ ગૃહસ્થ - જિનદત્ત શેઠને વંદના કરી ! આ એક દેવ ગુરુનું ઉલ્લંઘન થયું કહેવાય. કહ્યું છે કે : જ્યાં પ્રસિદ્ધ ક્રમનું ઉલ્લંઘન થાય, તે અપક્રમ કહેવાય છે. જેમ કોઈ ભોજન કરી સ્નાન કરીને ગુરુ તથા દેવને વાંદે તેમ.' તે વખતે દેવતાએ કહ્યું કે, “હે રાજા ! હું સર્વ વિવેક જાણું છું કે, પ્રથમ દેવને નમસ્કાર કરી પછી ગુરુને, તે પછી શ્રાવકને નમવું જોઈએ. તે હું યથાયોગ્ય જાણું છું; પણ આમ કરવામાં કારણ છે. આ જે શ્રેષ્ઠી છે, તે મારા ગુરુ છે. તેથી મેં તેમને પ્રથમ વંદના કરી છે.” રાજાએ દેવતાને પૂછ્યું કે, “હે દેવ ! તે શેઠ તમારા ગુરુ કેવા સંબંધથી થએલા છે ?' તે વખતે દેવતાએ પૂર્વનું વૃત્તાંત અથથી ઇતિ સુધી રાજાને કહી બતાવ્યું. - ત્યાં કોઈકના વડે બોલાયું કે “વાહ ! આ કેવા સજજન પુરૂષ છે કે
| SR No. | 022348 |
| Book Title | Samyktva Kaumudi Tatha Adinath Shakunavali |
| Original Sutra Author | N/A |
| Author | Padmabodhivijay |
| Publisher | Jinshasan Aradhana Trust |
| Publication Year | 2001 |
| Total Pages | 156 |
| Language | Gujarati, Sanskrit |
| Classification | Book_Gujarati & Book_Devnagari |
| File Size | 12 MB |