________________
सबंधयार उज्जोअ, पभा छायातवेहि अ । वण्ण गंध रसा फासा, पुग्गलाणं तु लक्खणं ॥११॥ एगा कोडि सतसट्टि, लक्खा सत्तहत्तरी सहस्सा य । दो य सया सोलहिया, आवलिया इगमुहुत्तम्मि ॥१२॥ समयावली मुहुत्ता, दीहा पक्खा य मास वरिसा य । भणिओ पलिया सागर, उस्सप्पिणिसप्पिणी कालो ॥१३॥ परिणामि जीव मुत्तं, सपएसा एरा.खित्त किरिया य । णिच्चं कारण कत्ता, सव्वगय इयर अप्पवेसे ॥१४॥ सा उच्चगोअ मणुदुग, सुरदुग पंचिंदिजाइ पणदेहा । आइतितणूणुवंगा, आइमसंघयणसंठाणा ॥१५॥ वनचउक्कागुरुलहु, परघा उस्सास आयवुज्जो । सुभखगइ निमिण तसदस, सुरनरतिरिआउ तित्थयरं ॥१६॥ तस बायर पज्जत्तं, पत्तेअ थिरं सुभं च सुभगं च । सुस्सर आइज्ज जसं, तसाइदसगं इमं होइ ॥१७॥ नाणंतरायदसगं, नव बीए नीअ साय मिच्छत्तं । थावरदस-निरयतिगं, कसाय पणवीस तिरियदुगं ॥१८॥ इग-बि-ति-चउ जाइओ, कुखगइ उवघाय हुँति पावस्स । अपसत्थं वन्नचऊ, अपढमसंघयण संठाणा ॥१९॥ थावर सुहुम अपज्जं, साहारणमथिरमसुभ-दुभगाणि । दुस्सरणाइज्जजसं, थावर दसगं विवज्जत्थं ॥२०॥ इंदिअ कसाय अव्वय, जोगा पंच चउ पंच तिन्नि कमा । किरियाओ पणवीसं, इमा उ ताओ अणुक्कमसो ॥२१॥
२०
श्री नवतत्त्व प्रकरण
