________________
अध्याय-३ ].
120
[स्वाध्यायदोहन
नवपद विषयक देशना । भो भो भव्वा ! भवोहंमि, दुल्लहो माणुसो भवो । चुल्लगाईहिं नाएहिं, आगमंमि विआहिओ ॥१॥ लद्धमि माणुसे जम्मे, दुल्लहं खित्तमारिअं । जं दीसंति इहाणेगे, मिच्छा भिल्ला पुलिंदया ॥२॥ आरिएसु अ खित्तेसु, दुल्लहं कुलमुत्तमं । जं वाहसुणियाईणं, कुले जायाण को गुणो ? ॥३॥ कुले लद्धेऽवि दुल्लभं, रुवमारुग्गमाउअं । विगला वाहिआऽकालमया दीसंति जं जणा ॥४॥ तेसु सव्वेसु लद्धेसु, दुल्लहो गुरुसंगमो । जं सया सव्वखित्तेसु, पाविजंति न साहुणो ॥५॥ महंतेणं च पुन्नेणं, जाएवि गुरुसंगमे । आलस्सईहिं रुद्धाणं, दुल्लहं गुरुदंसणं ॥६॥ कहं कहंपि जीवाणं, जाएऽवि गुरुदसणे । बुग्गाहियाणं धुत्तेहिं, दुल्लहं पज्जुवासणं १ श्रीअजितसेनमहामुनेः ।
