________________
लिरिवालकहा ]
119
[ अध्याय-2
20
माणगिरिगरुअमयसिहरअट्ठयं महविक्कवजेणं । जेण हणिऊण भग्गं, तस्स महामुणिवह ! नमो ते ॥२॥ मायामयविसवल्ली, जेणऽजवसारसरलकीलेणं । उक्खणिआ मूलाओ, तस्स महामुणिवइ ! नमो ते ॥३॥ जेणिच्छामुच्छावेलसंकुलो लोहसागरो गरुओ। तरिओ मुत्तितरीए, तस्स महामुणिवइ ! नमो ते ॥ ४ ॥ जेण कंदप्पसप्पो, विवेअसंवेअजणिअजंतेण । गयदप्पुच्चिअ विहिओ, तस्स महामुणिवइ ! नमो ते ॥५॥ जेण निअमणपडाओ कोसुंभपयंगमंगसमरागो। तिविहोऽवि हुनिध्धूओ, तस्स महामुणिवइ ! नमो ते ॥ ६॥ दोसो दुट्ठगयंदो, वसीकओ जेण लीलमित्तेणं । उवसमसिणिनिउणेणं, तस्स महामुणिवइ ! नमो ते ॥ ७ ॥ मोहो महल्लमलोऽवि, पीडिओ ताडिऊण जेणेसो। वेरग्गमुग्गरेणं, तस्स महामुणिवइ ! नमो ते ॥८॥ एए अंतररिउणो, दुजेआ सयलसुरवरिंदेहिं । जेण जिआ लीलाए तस्स महामुणिवइ ! नमो ते ॥ ९ ॥
