________________
२४
मूलशुद्धिप्रकरणम्-द्वितीयो भागः सो भणइ 'महापाणं आढतं दुत्तरं महाझाणं । एएण कारणेणं न वट्टए मज्झ आगमणं ॥१९०॥ साहू वि य तव्वयणं गंतुं सव्वं कर्हिति संघस्स । संघो वि पुणो पेसइ अण्णं संघाडयं तत्थ ॥१९१॥ सिक्खविऊणं एवं जहा 'भणिज्जाह सूरिणो तुब्मे । जह 'संघस्साऽऽएसं जो न कुणइ तस्स को दंडो ॥१९२॥ 'कीरइ य संघबज्झो' भणिए सूरीहिं तो भणिज्जाह । 'तो खाई तुब्भे वि हु एवंविहदंडपत्त'त्ति ॥१९३॥ गंतूण साहुणो वि हु संघाएसं कहंति सूरिस्स । तं सोउं आउट्टो पभणइ ‘मा कुणह एवं ति ॥१९४॥ जह संघस्स वि कज्जं सिज्झइ मज्झं पि तह पसाएण । किज्जउ, पेसेह लहुं सिस्सा मेहाविणो इहई ॥१९५॥ दाहामि सत्त पुच्छा भिक्खायरियाए आगओ एक्कं । कालयवेलाइ पुणो बहिभूमीआगओ तह य ॥१९६॥ वेयालियाइ अण्णं, तिण्णि य आवस्सएं दाहं ५-७' । साहूहि सूरिवयणे, कहिए संघो वि मण्णेउं ॥१९७॥ पेसेइ थूलभद्दाइयाण मेहावियाण साहूणं । पंचसयाई संघो, सूरी वि हु वायए ताणि ॥१९८॥ अइथोववायणाएं सव्वे उन्मज्जिऊण नियठाणं । संपत्ता एकं चिय मोत्तूणं थूलभदं ति ॥१९९॥ पुच्छई य गुरू 'किं तं उब्भज्जसि नेय ?' सो वि पडिभणइ । 'उब्भज्जामि नाऽहं किंतु महं वायणा थोवा' ॥२००॥ भणियं च तओ गुरुणा, 'पुण्णप्पायं इमं महाझाणं । चिट्ठाहि थोवदिवसे एत्थ जहिच्छाए दाहामि' ॥२०१॥
१. ला. संघसमाएसं ॥ २. ला. 'लाए तओ २, बा ॥ ३. सं.वा.स. "ए अहं दाहं ॥ ४. ला. "ए ते सव्वे उज्झिऊण ॥ ५. ला. 'इ गुरू वि कि ॥ ६. ला. "प्पायं महं इमं झाणं ॥
