________________
३०२
मूलशुद्धिप्रकरणम्-द्वितीयो भागः अह अण्णम्मि दिणम्मी संवेगत्थं इमस्स सा गुणइ । सरमंडलं असेसं, जहा इमेयारिससरेण ॥२३०॥ होइ नरो इयवन्नो तहा इमेयारिसेण इयवरिसो । एवंविहेण य पुणो इयआऊ होइ अवियप्पो ॥२३१॥ एवंविहसद्देणं होइ मसो गुज्झदेसभायम्मि । एवंविहेण य पुणो, रेहा ऊर(रु)म्मि संभवइ" ॥२३२॥ एमाई अन्नं पि हु सव्वं सरलक्खणं सुणेऊण । सो हु महेसरदत्तो चित्तम्मि विभावए एवं ॥२३३॥ 'नूणं मह दइयाए सरलक्खणजाणियाए आइट्ठो । गुज्झपएसम्मि मसो, रेहा वि य तस्स पुरिसस्स' ॥२३४॥ तो विलविउं पयत्तो, "हा हा ! अइनिग्घिणो' अहं पावो । कूरो अणज्जचरिओ अवियारियकज्जकारि त्ति ॥२३५॥ जेण मए सा बाला सरलक्खणजाणिया अरण्णम्मि । एगागिणी विमुक्का ईसावसविनडियमणेण ॥२३६॥ करपत्तं वररयणं हारवियं निच्छयं अपुण्णेण । मरणेण विणा सुद्धी नत्थि महं किं बहुएण ?" ॥२३७॥ इय विलवंतं सोउं भणइ इमा "नम्मया अहं साउ । कहइ य जं जहवत्तं, नीसेसं अप्पणो चरियं ॥२३८।। ता संपइ मह भाया तुम अओ कुणसु संजमं विउलं" । सो वि तयं सोऊणं खामइ परमेण विणएण ॥२३९॥ 'खमसु तयं जं तइया अइनिद्दयकूरचित्तजुत्तेण । घोरम्मि दुहसमुद्दे पक्खित्ता सुद्धसीला वि' ॥२४०॥ तो भणइ नम्मयासुंदरी वि 'संतप्प मा तुमं एवं । अणुभवियव्वे कम्मे निमित्तमित्तं तुम जाओ ॥२४१॥ जंपइ तओ महेसरदत्तो गिण्हामि संजमं इण्हि ।
नीसेसकम्मदलणं आगच्छइ को वि जइ सूरी ॥२४२॥ १. सं.वा.सु. *णो महापावो ॥
