________________
मूलशुद्धिप्रकरणम्-द्वितीयो भागः
अहवा वि इहाऽरण्णे निरत्थयं विलंविएण एएण । किं पुण अणुहवियव्वं जं पुव्वकयं मए कम्मं" ॥१२७॥ एवं सा जणयसुया जावऽच्छइ ताव तं वणं पढमं । बहुसाहणो पविट्ठो नामेणं वज्जजंघनिवो ॥१२८॥ पुंडरियपुराहिवई गयबंधत्थं समागओऽरणे । घेत्तूण कुंजरवरे निग्गच्छइ साहणसमग्गो ॥ १२९॥ ताव य जे तस्स ठिया पुरस्सरा गहियपहरणा वरणा । सोऊण रुण्णसद्दं सहसा खुहिया विचिर्तिति ॥ १३० ॥ "गय- महिस-सरह - केसरि-वराह - रुरु- चमरसेविए रणे । का एसा अइकलुणं रुयइ इहं दुक्खिया महिला ? ॥१३१॥ किं होज्ज दिव्वकण्णा सुखइसावेण महियले पडिया ? । कुसुमाउहस्स किं वा कुविया य रई इहाऽरणे ?" ॥१३२॥ एवं सवियक्कमणा न य ते वच्वंति तत्थ पुरहुत्ता । सव्वे वि भडव्विग्गा वग्गीहूया य चिट्ठति ॥१३३॥ जावेवं तस्स चमू रुद्धा गंग व्व पव्वयवरेणं । ताव कणेरुविलग्गो पराइओ वज्जजंघनिवो ॥१३४॥ पुच्छ्इ आसण्णत्था 'केणंचिय तुम्ह भो ! पहो रुद्धो ? । दीसह समाउला भयविहलविसंठुला सव्वे' ॥१३५॥ जाव च्चिय उल्लवं दिति नरिंदस्स निययचारभडा । ताव य वरजुवईए सुणइ रुयंतीए कलुणसरं ॥ १३६ ॥ सरमंडलविण्णाया भणइ निवो 'जा इहं रुयइ मुद्धा । सा गुव्विणी निरुत्तं पउमस्स हवे महादेवी' ॥१३७॥ भणिओ भिच्चेर्हि पहू 'एव इमं जं तुमे समुल्लवियं । न कयाइ अलियवयणं देव ! सुयं जंपमाणस्स' ॥१३८॥
२३५
जाव य एसाऽऽलावो वट्टइ ताव य नरा समणुपत्ता |
पेच्छंति जणयतनयं पुच्छंति य 'का तुमं भद्दे ? ॥१३९॥
१. ला. रोविएण ए ॥ २. ला. केण च्चिय तुम्ह गड़पहो ॥ ३. सं. वा.सु. 'स्स चारुसमरभडा ॥ ४. सं.वा.सु. ताव य नरा सम° ॥
