________________
मूलशुद्धिप्रकरणम्-द्वितीयो भाग:
देवा-ऽसुर-नरवरमाणमलणकंदप्पदप्पविद्दवणो । देविंद-चंद-असुरिंदवंदपरिवंदियच्चलणो ॥३७॥ लोयालोयविलोइयकेवलउवलद्धसयलतेलोक्को । तवतणुयवरट्ठारससहस्समुणिजणियपरिवारो ॥३८॥ आगासपत्तधयधम्मचक्करिद्धीपबंधचसुसमिद्धो । जउकुलनहयलचंदों समोसढो रिटुनेमिजिणो ॥३९॥ आयासपत्तसिहरग्गखलियरविरहतुरंगमे दुग्गे । उज्जिते णाणाविहवणस्सईसंकुले रम्मे ॥४०॥ अवि यजत्थ हिताल-तालातला सालया, केलि-एला-ऽऽमली- लवलि-वरसरलया । अक्ख-रुद्दक्ख-दक्खा-वड-ऽक्खोडया, बोरि-बिज्जउरि-जंबीरि-साहोडया ॥४१॥ नाग-पुन्नाग-कडहंग-नारंगया, पूग-सागा-उंगरू-तगर-वरगंगया । [ग्रंथाग्रम् ११०००] निंब-काउंबरीओवरं-5वाडया, उंब-काउंब-अंबोइया ताडया ॥४२॥ केयई-कुडय-कंकेल्लि-कंकोलया, कुंद-मचकुंद-करमद्दिया करलया । सल्लई-मल्लईवेल्ल-अंकोल्लया, मालईपाडला तिलय-विरिहिल्लया ॥४३॥ लउय-छत्तोय-सत्तच्छया कुज्जया, अज्जुणा-ऽणोज्जखजूरि-वरसज्जया । चंदणा वंदणा बाण-कणवीरया, मयण-मचकोलि-मंदार-साहारया ॥४४॥
१. ला. यपयप्सो के || २. सं.वा.सु. पवंचसु ॥ ३. ला. 'तालीतला ॥ ४. ला. पूगसा [ ग्रन्थाग्रम ११०००] गागरू' ॥ ५. ग्रन्थश्लोकसंख्यात्मक एष पाठः सं.वा.सु. प्रतीनां ज्ञेयः ॥ ६. ला. अंबकायंब ॥ ७. ला. 'लि-साहार-मंदारया ॥
