Page Text
________________
मूलशुद्धिप्रकरणम्-द्वितीयो भागः
मरणं पि ताण छज्जइ जयम्मि असमं महाणुभावाणं । कुंदिंदुकासविसओ जाण जसो भमइ भुवणम्मि ॥१२७।। तस्सेय नवर सहलं जयम्मि मरणं महाणुभावस्स । जस्स पहू जणियगुणाणुरायसोयं समुव्वहइ ॥१२८॥ इय सव्वस्स वि मरणे साहीणे किं न तस्स पज्जत्तं ।
जस्स पहु-मित्त कज्जुज्जयस्स संपडइ मरियव्वं ॥१२९॥
एवं च भणमाणीए मोत्तूण सोगप्पसरं भणियाऽणेण रयणवई जहा-सुंदरि ! न नेज्जइ फुडं मओ किं वा जीवइ त्ति, ता अहं मग्गओहुत्तं वच्चामि अण्णेसिउं । तीए भणियंअज्जउत्त! न एस अवसरो पच्छाभिमुहं गच्छियव्वस्स, कुओ ? जेणाऽऽहमेगागिणी, चोरसावयाइण्णं च भीसणमरण्णं, कलत्ताभिभवणं च परिभवट्ठाणं माणिणो, इह नियडवत्तिणा य वसिमेण भवियव्वं जेण परिमलियकुसकंटया दीसइ वणत्थली । पडिवज्जिऊण य तं सो पयट्टो । पत्तोय मगहाविसयसंधिसंठियं एक गामं । तत्थ पविसमाणो दिवो सभामज्झट्ठिएण गामठकुरेण, 'न एसो सामण्णो' त्ति भावितेण नीओ य सगिहं । दिण्णमावासट्ठाणं । उवविट्ठो य पुच्छिओ ठकुरेण-महाणुभाव ! ससोगो विय लक्खिज्जसि ? बंभयत्तेण भणियं-एवमेयं, जओ मह भाया चोरेहि सह जुज्झंतो न नज्जइ किंपि पाविओ, ता मए तयन्नेसणनिमित्तं तत्थ गंतव्वं ति । ठक्कुरेण भणियं - अलं खेएण जइ इहाडवीए भविस्सइ तो अहं लभिस्सामि त्ति । भणिऊण पेसिया नियपुरिसा। गयपभुच्चा गएहिं य सिटुं तेहिं जहा-न अम्हेहिं कोइ कहिंचि सच्चविओ, केवलं पहारनिवडिओ एस बाणो पाविओ त्ति । तव्वयणायण्णणाओ य 'नूणं विणिवाइओ' त्ति परियप्पिऊण गुरुसोगाउलिज्जंतमाणसस्स समोत्थरिया सव्वरी । निवसिओ दइयाए समं । ताव य एक्कजामसेसजामिणीए सहसा तम्मि गामम्मि निवडिया चोरधाडी । साय कुमारपहारकदुयाविया भग्गा परम्मुहा अभिणंदिओ य सयलगामाहिट्ठिएणं गामपहुणा । गोसम्मि आउच्छिऊण गामठकुरं तत्तणयसहाओ पत्थिओ रायगिहं । पत्तो जहाणुक्कमेणं । तत्थ य नयरबाहिरियाए एक्कम्मि परिव्वायगासमेठविऊण रयणवइं जाव तत्थ पविसइ ताव पेच्छइ एक्कम्मि महापासाए तवियतवणिज्जपुंजुज्जलदेहाओ णवजोव्वणुद्धराओ कयफारसिंगाराओ दोण्णि नारीओ भणियं च ताहि-जुत्तं नाम भत्ताणुरत्तं जणं मोत्तुं एवं परिब्भमिउं ? कुमारेण भणियं-को अणुरत्तभत्तो ? केहि वा चत्तो ? कोवा अहं ? ति । ताहि भणियं-आगच्छह ताव वीसमह मुहत्तगं । तओ पविट्ठो सो । कयण्हाणभोयणा
. १. ला. नज्जए फुडं किं वा मओ ॥ २. ला. कहं ॥
मूल. २-१३
| SR No. | 022287 |
| Book Title | Mulshuddhi Prakaranam Part 02 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 348 |
| Language | Sanskrit |
| Classification | Book_Devnagari |
| File Size | 23 MB |