________________
सुलसाख्यानकम्
किंचि
जीएँ सोहंति कुम्मुन्नया चलणया, नं महीवीढसंचारिमा नलिणया, जीएँ जंघाजुयं रेहए सोहणं, नं रईनाहभवणम्मि वरतोरणं, जीएँ गंगानईपुलिणसुपसत्थयं, सोणिबिंबं सुवित्थिन्नमच्चत्थयं, जीएँ नीराऽऽकरावत्तसंकासयं, नाभियामंडलं मयणआवासयं, तियसनाहाऽऽउहस्सेव अइखामयं, जीएँ मज्झं रईसोक्खआरामयं, जीएँ पीणुन्नया वट्ट सुपओहरा, कामकरिकुंभसारिच्छ सुमणोहरा, जीएँ बाहाऑ सरलाओं सुकुमालया, कामतावाऽवहारम्मि नं सालया, जीएँ सुपसत्थरेहाऽरुणा हत्थया, रत्तकंकेल्लि नं पल्लवा सत्थया, कंबुसारिच्छ दीसंति कयसोहया, जीएँ गीवाएँ रेहाऑ नरमोहया, जीएँ नीसेसलोयाण कयविन्भमं, आणणं फुल्लसयवत्तसिरिविन्भमं, जीएँ आकुंचिया सिहिण मिउ केसया, गवल-अलिवलय-सिहिगलयसंकासया, किं व अहवा वि सुलसाएँ वन्निज्जए, जा जिणेणावि सम्मत्ति उवमिजए, तसु जिण-मुणिभत्तहि, नियपइजुत्तहि, विसयसोक्खु माणंतियहिं । जाइ कालु निरवच्चहि, गयदोगच्चहि, निरु सोहग्गसमन्नियहिं ।।२।।
अह सो नागरहिउ सुयकारणि, चिंतावन्नु वुत्तु सहचारिणि, 'नाह ! काइँ दीसहि चिंतावरु, वारिबंधि नं बद्धउ गयवरु, रायउत्तु नं रजह टालिउ, नं ओहुल्लमलउ नवमालिउ, लीहाछोहिउ नं जूयारिउ, नं कावुरिसु वेरिपरिवारिउ, नं खीणाऽऽउहु सुहडु रणंगणि, भट्ठविज्जु नं खयरु नहंगणि, नं निजामउ नट्ठदिसावहु, नं परिखीणआउ तियसप्पहु, नं भंडवइ फुडन्तइ पवहणि, नं नट्ठप्पहु पहिउ महावणि, नं कामाउरु विमुहिँ वें साजणि, नं भट्ठव्वउ भावियवरमुणि, किं राइं अवमाणिउ किंचि वि ?, किं मुट्ठउ केणावि पवंचिवि ?,
किं व महायणु तुज्झ विलोट्टउं ?, किं निहाणु अंगारविसट्टउं ?, १. पु० पत्तया॥ २. ला० सहिण ॥ ३. ला० णावि परिसाएँ उव ॥ ४. सं० वा. सु० नं अकयागमु पडिउ महा ।।
