Page Text
________________
सविवरणे मूलशुद्धि प्रकरणे
तं सोऊणंकुमरोवीररसोन्भिज्जमाणपुलओहो । भणइ किमुत्तमपुरिसाअप्पपसंसं निव! कुणंति?।१६०। पुव्वपुरिसज्जियजसो अज तए णासिओ नरवरिंद! ।जं पुरिसयारेवियलं विहलं चिय जंपसे एवं'।१६१। तोरुसिओ सूररहो अप्फालइ जाव पवरगंडीवं । ताव कुमारो तुरियं आरुहइ तमेव गयणाहं ।।१६२। चोइज्जंतो वि करी ण मुयइ जा सीयलं जलं कहवि । मच्छुव्वत्तं करणं दाऊणं जाइ अन्नगयं ।।१६३।। हणिउं तस्सारोह, सज्जीवं कुणइ सो विवरचावं । ताअहयं संजाओ तलवग्गे तस्स कुमरस्स ।।१६४।। तलवग्गठियं नाउं मं दूयं पट्टवेइ सूररहो । ‘मा मह वइरियकजे जमगेहं वच्च' सो भणइ ।।१६५।। 'मा नाससु पहुपीइं, णचेव सरणागओ इमो तुम्ह' । तं सोउं, पयरक्खं णियपरिवारं तहिं काउं ।।१६६ । इत्थागओ तुरंगो निवेयणत्थं तु देवपायाणं । एगागी चेवाहं, संपइ देवो पमाणं' ति ।।१६७।। दछुट्टभिउडिभासुरवयणो तो जंपए णरवरिंदो । 'दे देह समरभेरि सन्नज्झह तुरियतुरियतरं ।।१६८।। अब्भागयस्स मज्झं अच्चन्भुयविरियसत्तिजुत्तस्स । अच्चाहियं भविस्सइ मा तस्स महाणुभावस्स'।१६९। इय भणिउं विमलक्खोराया आरुहइ रहवरं जइणं । चउरंगबलसमेओखणेण पत्तो समरधरणिं ।१७० । एत्थंतरम्मि जे ते दढविरियनिरूविया कुमारस्स । तलवग्गपवरसुहडा भग्गा परसेण्णपहरहया । १७१। ते दह्णं भग्गे विमलक्खणरिंदसंतियं सेण्णं । हक्कतं वगंतं अन्भिट्ट इयरसेण्णम्मि ।।१७२ ।। दप्पुर्धराण ताणं दोण्ह वि सेण्णाण विजयलुद्धाणं । सामिकज्जोज्जयाणं संजाओ घोरसंगामो ।।१७३।। अवि य
पडहिँ खुरप्पछिन्न धयचिंधयं, नच्चहिँ वग्गिरविविहकबंधयं । रडहिँ गइंद भिन्नकुंभत्थल, निवडहिँ छिन्नकरग्गह हत्थल ॥१७४॥ अच्चिउ सिरकमलिहिँ धरणीयलु, रुहिरपवाहहि हूएकज्जलु । निहयारोह तुरंगम हिंसहिं, कायर भयउक्कंपिर णासहि ॥१७५।। वायसगिद्धिहिँ अंबरु छाइउ, पेच्छंसुरहँ चमक्कउ लाइउ ।
आमिसलुद्धसिवहु फिक्कारहिं, चुणिजइँ रह मुग्गरघायहिं ।।१७६ ।। सत्थखणखणरविण सुरंगण, अवरुंडहिँ नियपइ भीयम्मण ।
तो विमलक्खह सेन्निण भग्गउ, इयरसेण्णु णासेवइ लग्गउ ।।१७७।। भज्जंतं दद्दूणं णियसेण्णं तक्खणेण अह राया । सूररहो मेहो इव वरिसइ सरनियरधाराहिं ॥१७८॥
१. ला० ररहियं विह ॥ २. ला० रुसियं ॥ ३. ला० कुमरो वि तुरियं ॥ ४. दूतः ॥ ५. ला० सत्तजु' ॥ ६. ला. 'वग्गियवर ॥ ७. ला० चिंधइं ॥ ८. ला० बंधइं ॥ ९. ला० च्छयसुर° १०. ला० ज्जहिं रह॥ ११. सं० वा० सड्डखण ॥ १२. ला० इयरु से ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |