Page Text
________________
द्रोणकाख्यानकम्
२७५
कामिणीभालवट्टो व्व रेहंततिलओ, वयणवियलपुरिसो व्व वियसंतकुरवओ, पुरंदेरो व्व वियसंतबहुअंबओ, सुण्णमंदिरोवरिमतलविभागो व्व पसरतसंताणओ समागओ वसंतमासो । जो य नच्चइ व्व पवणवसुव्वेल्लमाणकोमललयाबाहुदंडेहिं, गायइ व्व नाणाविहविहंगमकलकलविरावेहिं, तज्जइ व्व विलसमाणवरचूएक्ककलियातज्जणीहिं, हक्कारइ व्व रत्तासोयकिसलयदलललियतरलकरविलसिएहिं, पणमइ व्व मलयमारुयं दो लियनमं तसिहरमहातरुवरुत्तमं गेहिं, हसइ व्व नववियसियकुसुमनियरऽट्टहासेहिं, रुयइ व्व तुडियबिंटबंधणनिवडमाणसिंदुवारसुमणोणयणसलिलेहिं, पढइ व्व सुयसारियाफुडक्खरुल्लावजंपिएहिं ति ।
इय नच्चइ गायइ तज्जई य हक्कारई पणमई य | विहसइ रोयइ पढइ य गहगहिओ नं वसंतरिऊ ।।९।। निग्गच्छंति य बहुविहविलासरसनिब्भराओ सव्वत्थ | तरुणाण चच्चरीओ पए पए नच्चमाणीओ ।। १० । सविसेसुज्जलनेवत्थरयणसिंगारियंगसोहाई । तरुण- तरुणीण जुयलाई जत्थ दोलासु कीलंति ।।११।। कीलंति य तरुणनरा तरुणीयणसंजुया मउम्मत्ता । नाणाविहतरुवरसंकुलेसु रम्मेसु य वसु ।।१२।। आवाणयबंधेहि य पियंति मज्जाइं पाणया लोया । गुरुमयभरेण निवडंति ते य धरणीए गयचेट्ठा ।। १३ ।। अइनिब्भरपाणेणं वमंति अण्णे पसारियप्पाया । अण्णे अड्डवियड्डुं भमंति कज्जं विणा वि तहिं । ।१४।। अ उ सगोक्कित्तणेण हिययम्मि नेय मायंति । दिंति अणेगविहारं दाणाई तत्थ परितुट्ठा ।।१५।। अण्णे उ नियपियालिंगणाइं कुव्वंति लोगपच्चक्खं । अण्णे वैयंति गुज्झाइं तह य गायंति विविहाई । १६ । इय असमंजसचेट्ठाओ कित्तियाओ वसंतमासम्मि । पारिज्जंति कहेउं मयणुम्मत्ताण तरुणाण ? ।। १७ ।। तत्थ य अट्ठमीचंदमहे गओ वसंतदेवो रइनंदणं नाम उज्जाणं । दिट्ठाँ तत्थ सहियणपरिवुडा कीलारसमणुहवंती केसरा, चिंतिउं च पवत्तो, अवि य—
'किं एसा वणदेवी ? कयविग्गहसंगहा रई अहवा ?।
किं वा वि हु सुरविलया ?, उयाहु पायालकण्ण ? || १८ |
अहवा विहु किं लच्छी ?, किं वा वि हु रोहिणी सयं चेव । किंवा गोरी विज्जाहर व्व ? किं माणुसी का वि ।।१९।।
अहवा विपयावइणा इमीइ रूवं विणिम्मियं, जेण । करफंसाऽऽलिद्धाणं न होइ एयारिसी सोहा ।। २० ।। इय चिंतंतो एसो एयाए दिट्ठिगोयरं पत्तो । पुव्वब्भवनेहेण य मिलियाओ ताण दिट्ठीओ ।। २१ ।।
१. ला० वियंभंत कु ॥ २. सं० वा० सु० दर व्व ॥ ३. सं० वा० सु० मालयमारुइंदो || ४. सं० वा०सु० 'रुत्तिम' ॥ ५. ला० 'रहट्टहा° ॥ ६. सं० वा० सु० सुइसा ॥ ७. सं० वा० सु० वइंति ॥ ८. ला० त्थ अट्ठ ॥ ९. सं० वा० सु० 'मीवंदणमहे ॥ १०. ला० 'ट्ठा य तत्थ ॥ ११. सं० वा० सु० किं चेसा ॥ १२. ला०
'गया र ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |