Page Text
________________
२४८
सविवरण मूलशुद्धि प्रकरण चतुर्थ स्थानके इय उसभसामिचरियं वत्तव्वं ताव जाव मोक्खम्मि ।सुर-नरवंदियचलणोसंपत्तोखवियकम्मंसो।।५०। इय घयदाणेण धणो तेरसमभवम्मि जिणवरो जाओ। ता दाणम्मि पयत्तं कुणह सया निययसत्तीए ।।५१। धणसत्थवाहचरियं संखेवेणं मए समक्खायं । सेसभवग्गहाइ य सेयंसकहाणए वोच्छं ।।५२।।
_ [धनसार्थवाहकथानकं समाप्तम् । २८.] साम्प्रतं ग्रामचिन्तकोदाहरणमाख्यायते
[२९. ग्रामचिन्तकोदाहरणम्। अत्थि इहेव जंबुद्दीवे दीवे महाविदेहे वासे गामस्सेगस्स चिंतओ निरूविओ केणइ राइणा । सो य अन्नया कयाइ तव्वयणेण चेव गहियजलपत्थयणो गिहजोग्गकट्ठाणयणनिमित्तं पंचसयाणि सगडाणि घेत्तूण पविठ्ठो महाडविं । इओ य कहिंचि सत्थपरिभट्ठो तेण सगडमग्गेण तण्हा-छुहापरिकिलामियसरीरो परिब्भमंतो पत्तो तमुद्देसं एगो साहुगच्छो । दिट्ठो य तेण गामचिंतगेण । तओ हा ! कहमित्थ एए समागय ?' ति चिंतंतो संभमेण गओ साहुसमीवे । वंदिया भावसारं । ताणं च मज्झे सरयसमओ व्व महानरिंद व्व वायभग्गनरो व्व वुड्डपुरिसो व्व सुवेजो व्व गयरओ, ससहरो व्व कुविओ व्व जिणसिद्धंतो व्व पीयमयरो व्व समओ, सच्चविओ महासूरी । वंदिऊण पुच्छिओ ‘भयवं! किमेरिसे महारण्णे तुब्भे समागया ?' । सूरीहिं भणियं 'भद्द ! पंथाओ परिभट्ठा' । तओ तेण नीया निययावासे । भत्तिब्भरनिब्भरंगेण य पडिलाभिया । चिंतिउँ च पवत्तो, अवि य'अडवीमज्झम्मि इमे अचिंतचिंतामणी महासत्ता । पत्ता मए सुपत्ता, अहो ! महं पुण्णपब्भारो ।।१।। कत्थाऽहं कंतारे समागओ?, कहव दिव्वजोएण । विसमदसंतरपत्ता कत्थ इमे साहुणो पत्ता ? ।।२।। एवंविहसामणी सभागधेजाण होइ पुरिसाणं । ता नूण इओ होही कल्लाणपरंपरा मज्झ ।।३।। जे पावपंकमलिणा होंति नरा ताण न हु इमे समणा । एवंविहपत्थावे दंसणक्सियं समुवयंति' ।।४।। इय चिंतंतेण तओ चलणजुयं पुण वि वंदियं ताणं । भुत्तुत्तरे य खगं घेत्तूणं दसए मगं ।।५।। सूरीहिँ वि अइभद्दगभावं नाऊण तस्स वक्खायं । सम्मइंसणमणहं बीयं सिवसोक्खवरतरुणो ।।६।। कम्मखओवसमेण य पडिवण्णं तेण तं गुरुसगासे । सूरीहिँ तओभणिओ नपमाओ एत्थ कायव्वो ।।७।
यत:अत्रासं विमलं कलङ्कविकलं नीरेखवृत्तान्वितं, त्रैलोक्येऽद्भुतवर्णवादमहितं प्रहलादसम्पादकम् ।
१. ला० तो ॥ २. ला० णाई, से ॥ ३. सं० वा० सु० य कयाइ ।। ४. ला० "रिंदो व्व ॥ ५. ला० मेत्थ महा ॥ ६. ला० ण पडि ।। ७. सं० वा० सु० उं पव ॥ ८. सं० वा० स० विणयं ॥ ९. ला० रीहिं अड" ॥ १०. ला० 'वादसहितं ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |