Page Text
________________
१४६
सविवरण मूलशुद्धि प्रकरण द्वितीय स्थानके वीणा-वेणुरवढं कायलगीयाइयं निसामेइ । विलया-तूलि-उवाहणगाई फासे ई सेवेइ ।।९।। किंबहुणा?, पंचण्ह वि विसयाण मणोहरं तु जो विसयं । भुंजइ सो जमगेहं वच्चइ णत्थेत्थ संदेहो ।९८॥ विहियसिरतुंडमुंडणवेसो पंतासणाइकयवित्ती । साहु व्व चिट्ठई सोधरइ जियं, अण्णहा मरई ।।१९।। इय वाइऊण तत्तो चिंतइ मंती सुबंधुणामो सो। धिसि धिसि मह बुद्धीए मएण जो मारिओ तेण ।१००। मइमाहप्पं सो च्चिय चाणक्को धरउ जीवलोगम्मि । जेण मएण वि अहयं जियंतमयगो विणिम्मविओ' इय चिंतिऊण तो सो विण्णासेत्ताअणाहपुरिसम्मि । जीवियलुद्धो धणियं चिट्ठइ वरसाहुकिरियाए।१०२ किंतु अभव्वत्तणओभावविहूणो भवम्मिभीमम्मि । भमिही अणंतकालं विसहतो तिक्खदुक्खाई।१०३।
तस्स य बिंदुसारनरवइस्स पुहइतिलयाए देवीए अणुरत्तपत्तनियरो छायासमण्णिओ सुमणोवसोहिओ समाणंदियबहुजणो असोगतरु व्व संजाओ असोगसिरी नाम पुत्तो । सो य जुव्वणत्यो ‘सव्वकलाकुसलो'त्ति णिवेसिओ पिउणा जुवरज्जपए । उवरए पियरम्मि सो चेव मंतिसामंताईहिं अहिसित्तो रज्जे । रज्जधुरं उव्वहंतस्स य समुप्पण्णो कुणालाहिहाणो पुत्तो । बालत्तणे चेव ठाविऊण जुवरायपए ‘उवरयजणणीओ'त्ति सावकमायाभएण पहाणमंति-परियणसमेओ दाऊण उज्जेणिं कुमारभुत्तीए पेसिओ ।
तओ तत्थ अइसिणेहेण य पइदिणं पेसेइ सहत्थलिहियलेहे । अन्नया य कलागहणजोगं णाऊण कुमारं महंतए उद्दिसिऊण लिहियं लेहम्मि राइणा 'अधीयतां कुमारः' इति । पडिवाइऊण लेहं अणुव्वाणऽ-क्खरं' ति असंवत्तेऊण तत्थ चेव ठाणे मोत्तूण उठ्ठिओ राया सरीरचिंताए । रायपासोवविठ्ठाए य कुमारसक्किजणणीए ‘कस्स राया सव्वायरेण लेहं लिहइ ?' त्ति चिंतिऊण वाइओ । नियपुत्तरजत्थिणीए य दिन्नो अगारस्सोवरि बिंदू, मुक्को तम्मि चेव ठाणे । समागएणं राइणा ‘हत्थमुक्को लेहो पडिवाइओ वि पुणो वि पडिवाइयव्वो'त्ति वयणमसुमरंतेण संवत्तिओ । मुद्दिऊण य दिण्णो लेहवाहयहत्थे । तेण वि गंतूण समप्पिओ कुणालस्स । तेण वि लेहयस्स । सो वायइत्ता ठिओ तुण्हिक्को । कुमारेण भणियं 'किं न वाएसि लेहं ?' | तहा वि न किंचि जंपइ। तओ सयमेव घेत्तूण वाइओ जाव पेच्छइ 'अंधीयतां कुमारः' इति । तओ भणइ ‘अम्ह मोरियवंसे सव्वत्थ अप्पडिहया आणा, ता जइ अहं पि तायस्साऽऽणं लंघेमि ता को अन्नो पालेस्सइ ?, किंच जइ एवं तायस्स पियं तो एवं कीरई' त्ति । तत्तसलायं गहेऊण अंजियाओ दो वि अच्छीओ । इमं च सोऊण महासोगाभिभूएण चिंतियं राइणा__ अन्यथैव विचिन्त्यन्ते पुरुषेण मनोरथाः । देवेनाऽऽहितसद्भावा: कार्याणां गतयोऽन्यथा ॥१०४॥
१. ला० य ॥ २. सं० वा० सु० याइ दे ॥ ३. ला० °ए य पि ॥ ४. ला० 'क्यमा' ॥ ५. ला० ओ । तत्थ ॥ ६. अनुद्वाताक्षरम् अशुष्काक्षरम् ॥ ७. ला० ओ [सरीर चिंता ए राया ॥ ८. ला० ण य रा' ॥ ९. ला० गेण्हिऊण॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |