Page Text
________________
ता परिणामदारं, एत्तो भण्णइ दुहा य तं होइ । गिहिसाहुगोयरत्तेण, तत्थ गिहिवग्गविसयस्स
॥ २४८५ ॥ इहपरभवगुणचिन्ता १, सुयसिक्खा २, कालविगमणं चेव ३ । सुयबोहणं च ४ सुट्ठिय-घडणा ५ आलोयणादाणं ६ आउपरिण्णाणं पि य ७, अणसणसंथारदिक्खपडिवत्ती ८ । अट्ठप्पडिदाराई, इमाइं परिणामदारस्स
॥ २४८७॥ तत्थ य इहभवपरभव-गुणचिन्तादारमेवमऽवसेयं । किर पुव्वदंसियगुणो, राया सामण्णमणुओ वा
॥ २४८८॥ कारियजिणिदभवणो, पयट्टियाऽणेगधम्मठाणो य । लोगदुगसलहणिज्ज-ट्ठिईए किच्चेसु वर्सेतो
॥ २४८९॥ मंदीकयविसयरई, धम्मे च्चिय णिच्चबद्धपडिबन्धो । अत्थोवज्जणगिह-विविहकज्जवासंगविरयमणो ॥ २४९०॥ सो अण्णया कयाई, पुव्वाऽवररत्तकालसमयम्मि। जागरमाणो सम्मं, सुपसण्णो धम्मजागरियं
॥ २४९१॥ गुरुसंवेगपरिगतो, भववासुविग्गामाणसो धणियं । आसण्णभाविभद्दो, निउणं एवं विचिन्तेइ
॥ २४९२॥ अणुकूलकम्मपरिणति-वसेण केणाऽवि अह उ ताव मए । अइदुल्लहो वि लद्धो, जम्मो विउलुज्जलकुलम्मि ॥ २४९३ ॥ अण्णऽण्णगुणगणाऽऽरोवणेक-रसियंतकरणवित्तीण । जाया पुणो वि दुलहा, मायावित्ताण संपत्ती ॥ २४९४ ॥ दिट्ठसुयसत्थपरमऽत्थ-गहणनिउणा य तप्पभावेणं । बुद्धिविज्जाविण्णाण-पयरिसो वि य महं जातो ॥ २४९५ ॥ निजभुयजुयलबलज्जिय-मऽणवज्जमऽवज्जवज्जियविहीए। विनिओइयं जहिच्छं, दविणं पि हु उचियठाणेसु ॥ २४९६ ॥ भुत्ता य कामभोगा, अभग्गपसरं मणुस्सपाउग्गा। निफाइया य पुत्ता, तदुचियकायव्वमऽवि विहियं । ॥ २४९७॥ एवं सम्माणियसयल-इहभवाऽविक्खणिज्जभावस्स। इहभवियभूरिसद्दाऽऽइ-विसयसम्माणणाविसयं ॥ २४९८॥ आलम्बणभरियस्स वि, इमस्स दुल्ललियमामगजियस्स । अहुणा वि किर किमऽण्णं, विज्जइ आलंबणट्ठाणं ॥२४९९ ॥ जं नेगंतेणं चिय, चिन्तामणिकप्पपायवऽब्भहिए। विसयाऽऽसत्तिं मोत्तुं, धम्मे च्चिय निच्चलो होमि ॥ २५००॥ अहह ! कुसलस्स कस्स वि, विवेगसारस्स भविउकामस्स। पयइगरुयस्स बाढं, भववासुव्विग्गचित्तस्स ॥ २५०१॥ संते वि हु भोगाणं, समग्गसामग्गिसमुदए सवसे । तदऽवत्थुचिंतणाओ, तदप्पवित्तिप्पहाणस्स
।। २५०२॥ जम्माउ च्चिय निच्चं, धम्मे च्चिय किच्चबुद्धिणो धणियं । परलोयविसयकिच्चेसु, चेव संजायइ पवित्ती ॥ २५०३ ॥ आसापिसाइयाविणडियस्स, अम्हारिसस्स तुच्छस्स। तव्विवरीयस्स भवा-ऽभिनंदिणो पुण इमा कुमई
॥ २५०४॥ एयं न सुयं दिलृ पि, नेवमेयं तु नेव अणुभूयं । कत्थवि कयावि सुविणे वि, अहह ! विहलो गओ जम्मो ॥ २५०५॥ ता ताव इममिममहं, इहं तहिं तं च तं च माणेमि । तदऽसंमाणणजणियं, जेण ण दुक्खं खुडुक्कइ मे ॥ २५०६॥ अहवा इमं तयं पि य, अणुभूयं किंतु परिमियं कालं । ता ताव किंपि कालं, करेमि वंछाऽणुरूवमऽहं ॥ २५०७॥ कालाइक्कमणेण य, पच्छा वोच्छिण्णवंछरिछोली। सीईभूओ जं जं, काहं तं तं सुहं होही
॥ २५०८॥ को नाम किर सकण्णो, करेज्ज एयं वियप्पणमजुत्तं । पयईए च्चिय करिकलह-कण्णपालीचले जीए ॥२५०९ ॥ तहाएयं करेमि इण्हिं, एयं काऊण पुण इमं कल्ले । काहामि को विचिंतइ, सुमिणयतुल्लम्मि जियलोए ॥ २५१० ॥ अण्णं चजइ ता तत्तगवेसी, ता अणणुभवे वि माणियं सव्वं । अह न तहा ता तम्माणणे वि सव्वं अणणुभूयं ॥ २५११॥ जओहियइच्छियाई जह जह, संपज्जंतीह कह वि जीवाण । तह तह विसेसतिसियं, चित्तं दुहियं चिय वरायं ॥ २५१२ ॥ किंचउवभोगोवायपरो, पसमेउं मणइ विसयतण्हं जो । नियछायऽक्कमणकए, पुरोऽवरण्हे पहावइ सो ॥ २५१३ ॥ तहासठ्ठ वि भत्ता भोगा, सठ्ठ वि रमियं पिएहिं दारेहिं । सटठ वि पियं सरीरं. हा जिय! कडया विमोत्तव्वं
।। २५१४॥ सुचिरं वसिउं सह बंधवेहि, रमिऊण इट्टमित्तेहिं । सुचिरं पि सरीरं लालिऊण छड्डेवि गंतव्वं
।। २५१५ ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |